العمر يمضي
 

العمر يمضي بين حلوه و مره

لا ضاق صدرك عالي الصوت جره
لو كان قلبك ما يطاوعك مسرور

دنياك لو تسوى من الحِزن ذره
ما كان تاليها توابيت و قبور

و ما كان للكافر بعمره مسره
و ما شفت في ملكه ملايين و قصور

العمر يمضي بين حلوه و مرّه
و الموت حق و قابض الروح مأمور

دام الحياه الفانية مستقرّه
و رزقك يجيك و بين الأجواد مستور

لا تنشغل بالوقت برده وحرّه
و أحذر تصير بقسمة الناس مقهور

و حكم القدر لا جاك خيره وشرّه
أشكر عظيم الشان و الذنب مغفور

و المجلس اللي يزعجك لا تمره
خله تراك ب شوفته منت مجبور

و الرجل سقها في صحاصيح برّه
و مد النظر ما بين ريضان و زهور

لا صار وجه القاع ما فيه جرّه
و المشي حافي و الثرى تو ممطور

ساعات صمتٍ ما وراها مضرّه
تسوى الكلام اللي به إذنوب و إشرور

أطلق خيالك و أترك النفس حرّه
و خل الطبيعه في حياتك لها دور

و بالليل لا بانت نجوم المجره
أذكر بديع الخلق ب إحـساس و شعور

و أسجد ل رب الكون مره و مره
و إحفظ لسانك و أترك الكذب و الزور

و فروض ربك خلها مستمره

رد: العمر يمضي
 

لك من الأبداع رونقه
ومن الأختيار جماله
دام لنى عطائك المميز والجميل