منتديات رهين الشوق - ليه التواضع يعتبر ضعف ياناس؟

من تواضع لله رفعه

إليكم القصيده وليدة موقف تعبرعن نفسها

آمل أن تحوز على شيء من اعجابكم

موقف اخذ فكري ودقن الأجراس
والشعر راع البيت والفكرضيفه

على الهوامش خـط حبـرا بقرطـاس
مجمـل عبـاره صغتهـا بالصحيفـه
عندي تسائل ؟؟؟ صابني منه وسواس؟
عصرا تغيّـر وانتكـس منـه خيّفـه
لاباس ياللـي تحمـل العـرف لابـاس
أغّمض وقول العيـن عنـدي كفيفـه
ليـه التواضـع يعتبرضعـف يانـاس؟
ياللأسـف عنـد العقـول الضعيفـه
خلق رفيـع لصاحـب العلـم نبـراس
اصبح لدى الجهّـال سيمـه سخيفـه
تفكير ساذج منحـرف يوجـع الـراس
مبكي ومضحك شبـه نكتـه طريفـه
مدري غبا؟ مدري جهل؟ مدري احساس
بالنقص ؟ عـذرا للنفـوس الشريفـه
الكبـر خلـق سـيء مافيـه نومـاس
ولافيـه قامـوس سجلّـه يضيـفـه