منتديات رهين الشوق - لاتشتري من حاولوا يخسرونك ..

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - لاتشتري من حاولوا يخسرونك .. (http://www.alshoogg.com/vb/showthread.php?t=42890)

لاتشتري من حاولوا يخسرونك ..

لاتشتري , من , حاولوا , يخسرونك

ياصاحبي بالله } فتح عيونك
................... اصحى قبل شمس الحقيقه تصحيك

راجع حساباتك بلحظة سكونك
................... وخذها نصيحه جعل ربي يعافيك

تفهمك ناس وناس مايفهمونك
................... وتتبع لناس وناس تتبع خطاويك

ناسٍ تفكر همهم يسعدونك
...................وناسٍ تفكر كيف تقدر تبكيك

لاتشتري من حاولوا يخسرونك
................... ولاتخسر اللي فكر بيوم يشريك

مافيه اجمل من صديقٍ يصونك
................... ولا فيه اقسى من قريبٍ يعاديك

اكبر خطا نسيان من يذكرونك
.................. . اعظم وفا ذكرى حبيبا مجافيك

اكبر عناد تخون شخصٍ يخونك
................... اجمل امل حبٍ جديد يناديك

اصعب سؤال اللي تجيبه ظنونك
................... .اكبر غباء انك تغير مباديك

اكبر قهر لاصار ناسٍ يبونك
...................وانته تبيهم بس حظك لعب فيك

اتعس حياه تعيش والحزن لونك
.................لاصرت عم وصار حزنك بناخيك