منتديات رهين الشوق - عواصف لهفتـي

من عالم إللا حب لا عالمـك جيـت
ارسم خطوط العاطفـه واختصرهـا

امشي على جمر الألم لجل ماشيـت
واسبق عواصف لهفتـي وانتظرهـا

نسيت عهدي اللي مضى ذايع الصيت
وارغمت نفسي تبتعد عـن حذرهـا

أسست لك في محجر ألذاكـره بيـت
ووصيت عيني تحفظك فـي نظرهـا

نحتت اسمك في شفاهـي وناديـت
بـأرق كلمـه بـان فينـي اثرهـا

حركت فيها حس مرهـف وناجيـت
أعذب مشاعر خاطـرك لـي نثرهـا

جتني على كف الولـه قلـت لبيـت
عالرحب ياشمس الوجـود وقمرهـا

لو تعرفي قبل أعرفك كيـف عانيـت
بالذات من ظلم الظـروف وقدرهـا

لكـن بفضلـك ياحياتـي تناسيـت
احـزان مشـوار الحيـاه وكدرهـا

اقـدر اقـول الحيـن انـي تهنيـت
واحسست في دفء الزهور وعطرها

نلت وضفرت أبكـل ماهـو تمنيـت
عوضت قلبي اللحظه اللي خسرهـا

ضحكت بالأخـر وبالصـوت غنيـت
لعيون مـن روحـي بيـده أسرهـا

دمتم بخير