منتديات رهين الشوق

سواليفك مقادير البدو وقت الزهاب
... ... ... رحيلك كلّ مابي ينتظر منك السكوت

درستك يالهموم الباقيهْ سطر الكتاب
... ... ... تخط بي للمفارق جرح والنيّه اموت

طعنت الصدر من خطوة رحيلك للغياب
... ... ... اقصّ من الأثر نظرة ورى خطوة ثبوت

خلاوي ماعلى هالليل فرصه للركاب
... ... ... يلاعبّي هواجيس الظلام اللي تفوت

غريب الليل والبرد بضلوعي للخراب
... ... ... وانا ماعندي الا صوت وانفاسي وكوت

اناديلك وانا من فوق ضلع ٍ كالسراب
... ... ... اصوّتلك ولا نسمة ولا همسه وصوت

حبيبي ياحبيبي مابقى فيني شباب
... ... ... عطاشا كلّ مافيني وانا ما عندي قوت

تفاصيلك مقادير البدو وقت الزهاب
... ... ... رحيلي كلّ مابي ينتظر منّي أموت