مصدر اهتمامي
 

يزّفر الصدر في ليل المواجع كلام
والشعر غصن ما يثّمر بفصل الخريف
وتمطر الروح ضيقه تحت جنح الظلام
ولذة النور ما مرّت عيون الكفيف
كل طاري يمر البال برد وسلام
صوّر الطيف صدق وصوّر الصدق طيف
مهرة القاف واحلام المحبّه حطام
حملي اصبح ثقيل وحملك امسى خفيف
كيف ما اهتم بك وانتي محط اهتمام
في خفوق القوي وفي خفوق الضعيف
ايه مشتاق واحساسي طواه الحيام
وهاجس الذكريات المستديره مخيف
يزفر الصدر حزن ويشهق القلب دام
حزن كل المواني ما احتواه الرصيف
كنتي اجمل بداية قبل مسك الختام
صرتي الحلم لا مرّ بمنام الكفيف

رد: مصدر اهتمامي
 

صرتي الحلم لا مر بمنام الكفيف.

انتقاء جميل. ..
يعطيك العافية يا ذوووق.

رد: مصدر اهتمامي
 

يعافي قلبك منور غلاي

رد: مصدر اهتمامي
 

دمتي ودام لنا روعه مواضيعك يا الغلا
لكـ خالص احترامي
|

رد: مصدر اهتمامي
 

رد: مصدر اهتمامي
 

مبدعه يعطيك العافيه