منتديات رهين الشوق - الحمد لله من ظروفي تعلمت

اي والله اني من ظروفي تعلمت
أن البشر لو طحت ما ينفعوني
حتى ولو اني بحاجاتهم قمت
اكيد انا لاحتجتهم يخذلوني
أثري بواجد في حياتي توهمت
ذخرتهم للمعضلات ونسوني؟
- وان كان عانوني ليامن تكلمت
عن ضيقتي هم ليه ؟ مايسألوني
- ترى الحياء يفرض على مثلي الصمت
وأن كان ماحسوا أبي .. يتركوني
- ياكثر ماني في ( رفاقه ) تندمت
اللي ليا من غبت مايفقدوني
- اللي على وصلي لهم مابعد شمت
وبضيقهم لبيت لو ما دعوني
- وحنيت من طيبي / عليهم ولزمت
ومديت لو ادري بهم .. يجحدوني
- من طيب راسي .. من نكري تبسمت
وعديتها من باب .. ضاقو وجوني !
- واليوم من يقدم بخطوه تقدمت
ومن صد حال الصد دونه ودوني
- له حق .. اذا شفته من بعيد سلمت
مابي أجاملهم و لو جاملوني
من قام لي بالواجب / آبواجبه قمت
ولا علاقات الرخى .. يعذروني !
- والحمد لله من ظروفي تعلمت
أن البشر لو طحت ماينفعوني! -