يكفيني معاك أنسى شقاي وقسوة سنيني
 

عذاب الشوق, وظروف الزمان, وقسوة سنيني

رمتني بين طيات القصيد وروعة الحانه

غرامٍ كل ماجبته اشوف انه يوديني

واسافر قصدي الفرحه يطيح القلب باحزانه


وحيد بدنيتي لكن هواجيسي تسليني

أراجع دفتر الذكرى واوقف عند عنوانه


واحس اني مع الغالي واحس انه يواسيني

واسولفه عن العشق ولهيب الشوق والوانه


اوصفله حلاه اللي عن الزينات معميني

واقول الشعر لو ينقص معه تكميل نقصانه


يكفي يوم يضحكلي زماني مايبكيني

لأن القلب لا شافه تناسى هم حرمانه


عيونه يوم ينظرني أقاومها وترميني

غنج لامن هرج كنه فجر بالقلب بركانه


هذاك ليا طلب شعري قصيده ماتكفيني

أوجهله وانا واقف سهم حرفي لنيشانه


اجيب احلى الكلام اللي يسره قبل يرضيني

واجي كاشخ واقوصدله الين اوصل لوجدانه


أناديله وانا خايف واقول الله يقويني

وأخلي ناري بصدري واطفي فيه نيرانه


واقول اسمع كلام اللي يحبك يانظر عيني

كتبت اليوم لعيونك قصيده ( بنت حفيانه )


تفننبي على كيفك وخلخلبي موازيني

الا يالعن ابو جد القصيد وجدة اوزانه


قسم بالله ياعمري لو ان الوقت يشقيني

لأجيك بكل مافيني واغنيلك على الدانه


ياعمري لايغرونك حبيبي لاتجافيني

مادام الروح بغيابك على شوفتك ولهانه


فديتك قلبي وروحي فديتك كل مافيني

وحبك,, لو ن لي زماني وصعب نسيانه


يكفيني معاك أنسى شقاي وقسوة سنيني

ويكفي قلبي العاشق عزفلك أعذب الحانه

رد: يكفيني معاك أنسى شقاي وقسوة سنيني
 

طرح قيم جداا

تسلم الا يادي