منتديات رهين الشوق - انا اشهد ان حبه سوا بي سوات

اقدح لنا ياراس من زين الأبيات
.............. خل اللذي يقرا قصيدك يشوفه

اقدح لنا عن غرون شتتنا شتات
..............وفصل بها المكنون وعدد حروفه

وصفه عجيب وكل مافيه ونات
..............ومحدن قدر من بين ربعه يطوفه

انا اشهد ان حبه سوا بي سوات
.............وصارت بي الحاله ماهي معروفه

قطعت من شوقه كثير التنهات
...............وحتار به فكري وباحلى وصوفه

فيه الجمال الحر مع قل المباهات
................وفيه الدلع والغنج وفيه المروفه

وخفة الدم عنده زود جرعات
.................ياليت من يروي ضماه وشغوفه

ويقضى معه كم ليل ولا صباحات
.....................ولا نهار وليل ياحي شوفه

ويطق صحبه على كيف ما جات
............ويخلي ظروفه على ماهي ظروفه

ويغط ما بين همسات ولمسات
..............وينسى هموم الوقت ويا عزوفه