منتديات رهين الشوق - هـــذا قـــــراري

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - هـــذا قـــــراري (http://www.alshoogg.com/vb/showthread.php?t=38800)

هـــذا قـــــراري

خلاص بـترك كل شي ٍ مكانه
العشق و العبرات و الحسن و التيه
جفا .. ملل .. فرقا .. تغلّي .. خيانه
هذا قراري و سمّه اللي تسمّيه
ما همّني ذاك المكان و زمانه
اغليه ولا علّني ما ارجع اغليه
يا سيّد الماضي و ذيك المَكانه
انا الذي شوّه بشرواك ماضيه
الحب عرّفتك على عنفوانه
و الا انت ما تستاهل اصغر معانيه
ما شفت طرفك في قساه و حنانه
يرقى قصيدي و يتغطرس على يديه
ما شفت عودك كم و كم خيزرانه
سميتها به .. و انثنت مع تثنّيه
ما شفت شعرك كيف علّيت شانه
دلّيته الريح و غدى وقتها فيه
ما شفت صبح ٍ جاك تضحك ثمانه
عقبال ما اصبح يوم و القاك ناسيه
قل للعذر ما عاد للعذر خانه
لو تبني بدمعك بيوت المشاريه
قل للطواري لو تطيح الميانه
لا هنت لي صوت ٍ ولا اشتقت ( لبّيه )
امانه .. ان كانك تعرف الامانه
لا تذكر انه كان لي عشق ٍ ارجيه
جاك الكلام .. و خل قلبك مكانه
و العشق و العبرات و الحسن و التيه

رد: هـــذا قـــــراري

يعطيك الف عافيه

رد: هـــذا قـــــراري

قل للعذر ما عاد للعذر خانه

^ق1

صح لسان شاعرها وسلمت ع الذوق
لاعدمنا جديدك ..

رد: هـــذا قـــــراري

أسعد الله قلوبكم وأمتعها بالخير دوماً

أسعدني كثيراً مروركم وتعطيركم هذه الصفحه

وردكم المفعم بالحب والعطاء

دمتم بخير وعافيه

رد: هـــذا قـــــراري

يالجمال نصك الباذخ
ممتنه لك ولطرحك الأنيق