منتديات رهين الشوق - ابطوي صفحة عيا زمان الجور يطويها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ابرحل ولله العالم وش اللي بداخلي من شوق
وابطوي صفحة عيا زمانالجور يطويها
ابرحل تايه بغربه وطن مالي عليه حقوق
وطن وحدوده عيونك ودمع حيار فيها
ابرحل دمعة حارت من ادني الموق لاقصى الموق
خذلها الوقت يوم انه حرمها من هقااويها
ابرحل واجمع الامي وابرقع ثوبي المشقوق
وبقطع عن دروب الشك رجلي قبل تمشيها
انا ادري ان الزمن قاسي واعرف اني بليا ذوق!
ونفسي يوم ودعتك رمت بالنار رجليها
عمر هالحب مايفنا مادامه بالحشا مخلوق
ولو دنيا العنا جارت وورتنا بلاويها
ابنسى آه كيف انسى وانا اللي من زمن محروق
اكذب ان قلت اقدر انسى بعض ماضيها
الاياحظي المقفي علامك للشقا مطفوق!
انا طالبك لاتفتح لعيني سد واديها
ابنسى كيف والذكرى وسط قلبي تسوقه سوق
وهذا طيف عاتقها وهاذي رجفة ايديها
انا في ذمه الله ماعلي من الشقا والعوق
انا في ذمه اللي لاقبض هالروح يحيها
جعل عين بكت للحب ابد ماتنحرم من موق
ولا تفقد ولو طالت ليالي الهجر غاليها
وعين خانت العشره عساها امر الولي من فوق
عساها من زمان دبرته ضاعت كل خطاويها