منتديات رهين الشوق - خلك على بعدك عسى الله يهنيك..\

خلك على بعدك عسى الله يهنيك

.................. خـلـك مع اللي في حياتك هويته

أول مـن هـمومي ليا ضـقت اناديك

....................... ولامن لقيتك غـاب همي نسيته

واليوم اشوف الـوقـت غـير مباديك

..................... ماانت الحبيب اللي بحياتي شريته

من يوم راح الـوقت وقفت خطاويك

....................... وماغيرك اللي في حياتي نهيته

لالا تظــن قـلبي مع الوقت يدعيك

....................... لالا تظــن الهم من بعدك شكيته

والـله .. مـاهـز الـفكـر يـوم طـاريك

....................... ولا هـز قلبي هـجرك اللي بغيته

أرحـل عسى غيـري يحـبك ويغليك

....................... ويمـوت في حـبك ودرب مـشيته

لـكـن تأكـــد... واللـيـالي تـصــحيك

....................... وتـذكر حبيب لـ أجل غيره نسيته

وترجــــع وعيــنك دمعها بين اياديك

....................... وتنـدم على وقت لغيري قضيته

وتشــوف قلبي عند غيرك وناسيك

....................... ناسيك ياللي عـفت دربه وجيته

اذكــر كـلامـي واجهله في مـباديك

....................... هذي البداية واجهل اللي قريته

وتشوف ماقلته وقلبن شقى فـيك

....................... فــرقـاك ياخـلن وفـيـت وشقيته

وآخر كـلامي.. جـعل ربـي يهـنيك

....................... ابـعــد وأنا ببـعـد وهــجرك قويته