منتديات رهين الشوق - وينه إحساسك

وينه إحساسك

يعني جيت تحب او قصدك تحطمني وتغيب
ــــــــــــــــــــ وينه إحساسك قبل تبدي القرار وتبتعد

ليش تبعد وانت تدري انك لروحي قريب
ـــــــــــــــــــ ـ وفجأه ترحل وانت تارك من تلاقينا وعد

لو عرفت بكبر قدرك وانك لقلبي حبيب
ــــــــــــــــــ كان حشّمت المشاعر قبل ترحل للأبد

كنت اشوفك في وجيه الناس والوان المغيب
ــــــــــــــــــ كنت أتحسس وجودك في زوايا هالبلد

كنت أسأل كل أرض اليوم مامرك غريب
ــــــــــــــــــــــ والغريب الأرض قفرا مالها بعيني أمد

واسعه تاخذ من الاحباب ولايمكن تجيب
ــــــــــــــــــــ خاليه من زحمة السارين ومافيها أحد

وين اروح وكل درب ٍ اسلكه وجهه كئيب
ــــــــــــــــ مظلم ٍ مثل العزا وقت العزا واشّنع بعد

مااختلفنا يوم قالو كل شمس إلا تغيب
ـــــــ بس شمسك يوم غابت ما اشرقت بعدك ابد

ل/سعود الجلآد