منتديات رهين الشوق - الله وأكبـر يازمـن .. !!

الله وأكبـر يازمـن جيتـك وانـا كلـي أمـل
أنك تشيل همومي اللي وسط صـدري شلتهـا
لا تحسب ان طبعي كذا .. لكنها طيحـة جمـل
وانا على صغـري تعلمـت الحيـاه وشفتهـا
من كنت بالقريه طفل لامن تضايقـت أحتمـل
وألقى حضن أمي وطن عن كل حاجـه ذقتهـا
واليوم جيتـك يامنـازل جـدي وكلـك رمـل
ومرت قبالي اربع وعشريـن عـام ٍ عشتهـا
هاذا مكانه لاقعـد يشفـق علـى لـم الشمـل
بالمجلس اللي مابقى بـه حاجـة ٍ عاصرتهـا
ليته يجي ويشوف كيف الوقت من عقبه ممـل
حتـى السعـاده أصبحـت غايـه ولاحققتهـا
يادار جـدي شاعـرك مايلحقـه منـك زمـل
وأجمل صباحات الطفوله فيـك كـم صبحتهـا
حاولت أرتب لي جمل وأزريت عن بعض الجمل
أحسب حساب لكلمة ٍ تحسـب علـي لاقلتهـا
وأن دارت الدنيا علي شلت الحمل باللي حمـل
وانا الـذي عثـرات عمـري كلهـا جربتهـا
لكن انا مهمـا حصلـي باقـي ٍ عنـدي أمـل
ان الزمان يشيل كـل اللـي بصـدري شلتهـا

للمتألق .. بدر الضبعان