|
ياا عين ردي دمعتگ !!
يا عين ردي دمعتك لا تهلين ... دمع الفراق اللي يثير الشجوني... خلي المحاجر دامهم مستريحين... من طاري الفرقى وخيبة ظنوني... سريت ليل البارحه مدري لوين... واثر الخطاوي يم داره خذوني... ذاك الذي ابعدت لجله قريبين... وارخصت لعيونه قلوبن شروني... الي عليه القلب مقسوم نصفين... من غيبته نومي مجافي جفوني... وقفت عند الباب يمكنه يبين... واخاف من جيرانهم يشرهوني... سالت جدرانه وش العلم تكفين... وكن جدران الحجر جاوبوني... تقول ماظنه بيذكرك للحين... بعد السنين اللي مضت من تكوني... ثم قلت لو انه نسى ناس غالين... ماظنه بعهد المحبه يخوني...! قالت لو ان الوقت ضم المحبين... لاوم مع مر الزمن يبعدوني.. حسيت بان الكون ضيق به البين... واقدام رجلي بعدها ما حملوني... لو ينتثر دمي بطعن السكاكين... تهون لكن غيبته ما تهوني... لاقلت ابنسى عشرته والعناوين... نبضات قلبي يم ذكره حدوني... مشتاق اشوفه..واعتذر للعذابين... مدام قربه لاحصل..يتركوني.. لكنه ابطى والشهور اقفت سنين... وحمل الفراق ان زاد تعجز متوني.. والي بقى في مقبل العمر بيتين.. بقولها دامي بعيش مغبوني.. يا عين هلي دمعة الغبن يا عين.. من طاري الفرقى وخيبة ظنوني.. حبه بقلبي ما تغير له سنين.. ولو كان عادي ما دمعت له عيوني.. |
رد: ياا عين ردي دمعتگ !!
طَرْحْ رَآقِيِ بِ حَجِمْ رِقَّتكـْ..
,وِدِّي يَسْبَقُه ـأِحْتِرَآميِ لِ شَخْصِكْـ, تَقَبَّلْيِ مُرُورِي,: |
رد: ياا عين ردي دمعتگ !!
الله الله عليك ..
قصيده و لا أرووووع .. أشكرك من الاعماااق تستحقي التقييييييم |
| الساعة الآن 09:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق