منتديات رهين الشوق - شفني جبل لظروف الايام نطّاح

حسبي على براق عينه ليا لاح
اشعر بضيقه رغم كبر المساحه

بالخص لامنها امطرت والكحل ساح
اضيع ويضيع النبط والفصاحه

كنك معالم ديره بـ عين سوّاح
يبدون لك اعجابهم في صراحه

ياحاجة(ن) لو شالها موس جراح
لاشك بأنه شال قلبي وزاحه

ياصاح خل اعتابي شوي ياصاح
غض النظر عن قلبي وعن جراحه

شفني جبل لظروف الايام نطّاح
لكن في بعدك نحيب ومناحه

انا مجرد شخص مايجني ارباح
حر(ن) وشل الوقت رفة جناحه

تخطي وانا اخذ هالخطا ضحك ومزاح
خايف على غصن الوصل من رياحه

شف اشكثر ودي اخليك ترتاح
خذ راحتك لا شفت فرقاي راحه