منتديات رهين الشوق - غـــابـــت ثــمـــان سنين ..

غابت ثمان سنين حل وترحال
..... غابت ثمان (ن) كلها مدلهمه

قضيتها بالحب والشوق رحال .
...... وحب تحدى كل ياسه وهمه

سألت عنها اسنين وشهور وليال
........ ولا فيه فج ألا وجهة يمه

وعقب الثمان اللي تعبها بري الحال
....... جاب الزمان الكارثه والمطمه

جاني ولدها مبتسم بين الاطفال
......... ومن بسمته ذكرت انا بسمة امه

شفته وصاحت في داخلي كل الامال
...... بصوت عجزت بكتم الانفاس والمه

وركضت له ودمعي على الحد همال
....... ومن كثر شوقي قمت بالحيل أظمه

ولحظة حظنته والطفل في يدي مال
.... شمية ريحتها على أطراف كمه

وأستسلمة نفسي مقادير الاهوال
....... وتم الضياع وأكدت لي متمه

واليوم بنت الناس في بيت رجال
....... وحباً على غير الشرف لي مذمه

ليت الغياب الي شغل غربتي طال
...... ولا دوّر العاشق على حرقة دمه

مجبور أعوّد وأشتكي كل الاميال
....... و بنفس حزينه كائبه مستهمه

و يرجع غريب مسكنه بر و رمال
....... يموت يحيى يندفن ما يهمه