منتديات رهين الشوق - وأنا ماني هذيك اللي على خبرك شماليه ،

يهون الدمع
والغربال والضيقات لاتقرين..
ويهون الحزن والتجريح بس الموت
وش مًّثله ؟

لك الله :
لو تلمّين الضلوع العوج ماتلقين
سوى باقي سوالفنا صباح الشمس للفيّه

ولك الله '
من خذاك الموت من كفي الين الحين
عجزت أكتب من غيابك الين اليوم مرثيّه

سنه مرت ،

وانا كني على باب الفراق سنين
وسنه راحت وانا ادور بعد روحاتها جيّه

زوايا الجامعه
بحث التخرج /
أغنية تدرين
بقايا عطرك اللي ماذبحني غير طاريّه

ودفتر
يحضن أبياتك وجوالك قبل تقفين
وبعد هذا تظنين القدر خلاك منسيّه ؟

يارب إغسل
خطاياها وبرّد قبرها / آمين
ووسّع ضيقها ربي كثر ما صفّت النيّه

لك الله
من تحضنك التراب ودثرك للحين
وانا ماني هذيك اللي على خبرك
شماليه !