منتديات رهين الشوق - ضحكة الناب ..

يلي قريت الحزن في ضحكة الناب
لو الحزن سولف حشا ما شرحني
حزن ٍ يشيب في عيوني ولا شاب
ماذمته نفسي وهو ما مدحني
حتى غدا لضلوعي العوج حطاب
الفاس في كفه والأسباب تحني
مابين بعده والوصل هم وحساب
ولاهو كفاني شره ألي ربحني
بأسباب منهو للمحاديب طلاب
ولامن سليت شوي طيفة سرحني
منهو يقول إن الذكاء عند الالباب
شفني معه كبر الذكاء وش منحني
إن قلت مانحني صباحات كذاب
لا والله إلا قل ظلام إكتسحني
والحب كنة نخوة أشناب لشناب
ونا أشهد إنة لا قدحني قدحني
أطوي على شانة ثمانين مرقاب
وتصير صعبات الطواريق لحني
أبني علوه وفقد قراب وصحاب
و من سبة جنوني علوه طرحني
ويوم الوداع أعلن وظن الهوى خاب
روح ولكن للأسف ما كبحني
هذي سنة كنت أحسب الجرح بي طاب
والبارحة طيفة لفا وش جرحني
جاني ينشد ني عن علوم الأحباب
مايدري إنة في سؤالة ذبحني
ياكيف أجاوب والوصل موصد الباب
والهجر ملعون الصلايب لفحني
عن الشماتة قلت لة دايم قراب
لكنّ دمع العين هل وفضحني

مما راق لي ..
للشاعر/ عيد السعدوني