ماودي الناس تدري وش يبكيني
 

مـن عـز نـومي صحـيت وشـفـت فـي عيني
دمـع تـهـآدى عـلى جـفـنـي وأنـا غـافـي

سـتـرت دمـعـي بـگـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي

وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي

أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي

أمـانـتگ .. خـلـها مـابـيـنگ وبـيـنـي
خـابـرگ يـالـدرب خـوة عـمــر وسـنــافــي

مـاودي الـنـاس تـدري وش يـبـگـيـنـي
گـرامـة الـنـفـس ورث أبـوي وأســـلافــي

أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي

وحـيـد والـلـيـل بـردونـه يـغـطـيـنـي
تـقـول گـن الـبـلد روح بـهـا الـســافــي

إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي

قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي

ولـمـحـت زولـه مـن أقـصـى الـدرب لافـيـنـي
مـدري وش أقـول لـگـن حـي هـا الـلافــي

تـعـال .. شـف غـيـبـتـگ گـيـف أثـرت فـيـنـي
تـعـال .. شـفـنـي وأنـا أغـرق عـقـب مـجـدافـي

تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرگ وأنـا حـافـي

تـعـال وإقـطـف بـصـوتـگ زهـرة سـنـيـنـي
گـل الـمـواعـيـد عـقـبـگ شـمـعـهـا طـافـي

تـعـال وإزرع خـصـل شـعـرگ بـگـفـيـنـي
بـضـمـهـا لـيـن أحـس بـلـيـلـگ الـظـافــي

تـعـال وش فـيـگ خـايـف ؟ أنـت نـاسـيـنـي ؟
قـطـعـت صـوتـي عـلـيـگ وطـال مـيـقـافـي

حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي

لـگـن أمـانـه تـرى الـلـي فـيني گـافـيـنـي
إن رحـت مـنـگ كـذا مـارحـت مـتـعـافـي

بـصـّدق الـحـلم وأحـذر لا تـصـحـيـنـي
فـي خـاطـري گـلمـتـيـن وإن قـلـتـهـا گـافـي

أمـانـة الـلـه عـلـيـگ إن غـبـت عـن عـيـنـي
لا يـگـون قـلـبـگ مـثـل قـلـب الـزمـن جـافــي

مـع گـل دمـعـه تـذگـر رعـشـة يـدينـي
ومـع گـل ضـحـگـه تـذگـر قـلـبـي الـوافـي

رد: ماودي الناس تدري وش يبكيني
 

الله عليك ..

قصيده راااائعه ..

تسلم يديك ..

أحلى تقييييييييييييييم

رد: ماودي الناس تدري وش يبكيني