منتديات رهين الشوق - أرجوك كل الحكي معروف من بدري..

0
0
0

أرجــــوك .. كل الحكي معروف .. من بدري

.................. مافـــيــه داعـــــي تـعـيده .. شوف لـك غيره

تدري ..! أبـــآشاركك .. باللي شغل فكري

.................. وخل السوالف .. ( رحى ).. وقلوبنــا تــديــره

سنـــتين مرت وأشوف الثــالثة .. تجــــــري

.................. وحنـــا نجامل .. وكـــل ٍ بـــان تــقــصيـــره

قد قــلــت لك من زمان .. {إن غبت من عذري}
.................. ما قوى على الهـــم والغربـــــال والغــيــره

وشلون أبقوى .. ودم فــراقــنـا يـــســــري

.................. بعروق الأيـــام .. من كــان الصدر .. ( ديـرة )

لين أثقل الهم كـتـفـي .. وإنـحــنــا ظـهري

.................. ودنــقــّـت .. والــبـــال .. طــاح بـكفة الحيرة

ومــاشفت . بــعـيـونك النعّـــاس .. من قدري

.................. غــيـــر إنــي اللــي كـِـسر خـَـاطر مشاويره

تذكر .. قبل كم سنة يوم الـجـفـــا يطــري !

.................. وتـقــول لي : بــس عــــاد .. وفضــها سيرة

كنت إنت ..؟ ولا أظن إنــي أنـــا آهذري ؟

.................. أو هو حلم .. يشتكي مــن كـِذب تـــفسيره

بالحالتين .. الحـبــر جــَـــف ْ.. بورق عمري

.................. ولا عـــاد يــنـفـع نعيـد ..اللي قـِـضى خيره

يا أعز من بـ..أتركه للـبـُعــد .. وأسـتـَـذري

.................. تـحـت ( إني الطــهر .. وإنه درب ما آسيره )

خلاص .. كل ٍ يدور لـــه طــريــــق .. أدري .!
.................. مـــا نيب أبشكي .. جعل بفراقـــنـا خيرة !

من كم سنة كنت أعز إحســاس في صـــدري
.................. واليوم دار الزمــــان .. و ( فـضــها سيــرة )

للشاعر المبدع عبد الله البكر التميمي