منتديات رهين الشوق - خليت ضغطـى مثل عداد (ترشيد)

الصدر ضايق ماحصل اي تجديد
........... والليل راح ومابقت فيـه سـاعــه

يافرحة ايامي و يابهجة العيد
............ بالله قلي وش سبب هالقطــاعــه

انا وقلبي في رجا هالمواعيد
............ ماكن في قلبي لحـبك منـــاعـــه

مغير اهوجس فيك واعيد وازيد
............ واعانق طيوفك وكلي قنـــــاعــــه

لأن المحبه مالها اي تحديد
........... غلطان من قال المحبه إشـــاعـــه

اخذ الكلام اللي معه كل تأكيد
.......... من خاطرن واجب عليك استماعه

احرقت قلبي في غيابك وانا اعيد
............ حكاية الخافق معك وإنطبـــــاعــه

خليت ضغطي مثل عداد ترشيد
........ لا طول غيابك يزيد ارتفــــــاعــه