منتديات رهين الشوق - مدام انك رحلت [أَبْشِر]بمن هوْ للزمـن يرميـك

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - مدام انك رحلت [أَبْشِر]بمن هوْ للزمـن يرميـك (http://www.alshoogg.com/vb/showthread.php?t=23409)

مدام انك رحلت [أَبْشِر]بمن هوْ للزمـن يرميـك

كذا تقسى على قلبك وتهجـر واحـد(ن) يغليـك
كِذا ترحل وتتركنـي ولا كنّـي مـن أحبابـك..!!:

وانا اللي يا [خَطَا عمري ] دفعت العمر لَجْل أشريك:
واجيك من الوَلَهْ ميّتْ وتَسْأل[خير وشْ جابك ]..!!

حسافة..كل لحظة عشتها في هالزمـان أرجيـك
حسافة..كيف صدّقْتك و[ سكّيْن الغَـدر]/ نابـك..!!

ألا يا[اكبر ذنوبي].. لا تَحَسْبِنّـي بَجِـيْ وادْعيـك:
توكّل عن دروبي/ رح / عساه يطـوّل غيابـك..!! :

حرام أكتب قصيدي فيك.. وانثر دمعتـي وابكيـك .
واظل أمشي على دربك وانا جرحي من أسبابك..!

بكَفِّنْ بالجفا ذكـرك وبادفـن بالهجـر طاريـك..:
وبنْحر بالوفـا حبّـك وبشْرب[ دمعـة أهدابـك

والى مني ولهتك..قمت اضمّ الحزن قبـل أرثيـك:
وسلّمْت الرجا للياس..وارخيتـه علـى بابـك..

على الله بشتكي همي وجرح(ن) من يدك واشكيك:
وبرسل آخر أبياتـي عساهـا تطفـي عتابـك..

مدام انك رحلت [أَبْشِر]بمن هوْ للزمـن يرميـك
عشان تْعرف وشْ معنى [تصدّ وتفقد أَحْبَابك]..!!

رد: مدام انك رحلت [أَبْشِر]بمن هوْ للزمـن يرميـك

طرح راقي وجميل
ادام الله نبض قلمك وجعله عامر بالحب..
رائع ماتكتب بدون شك...
سلمت يمينك...ودام حضورك

رد: مدام انك رحلت [أَبْشِر]بمن هوْ للزمـن يرميـك

رائعه بكل المقااااايس ..

سلمت يديك و سلم لنا إحساسك ..

رد: مدام انك رحلت [أَبْشِر]بمن هوْ للزمـن يرميـك

رهين ـآلشوق ..
...الله ...الله ...عليـــــــك ...
بربك ..من أين استرق أحرف ..تليق بمستوى ..
هذي الأحرف وهذي الاحساسيس المترفة..
الله يعطيك العافيه على كلماتك وحروفك
لاتحرمناجديدك وعطائك بالمنتدى
دـآم نبض قلبك ..