منتديات رهين الشوق - كنت أحسب إنك كون كله رحابه

أبا أسألك وأرجوك عطني إجابه
وش فايدة صدك عن عيون مغليك
غير الهموم وضيق خلق وكآبه
إن كان هذا الوضع يازين يرضيك
طبعك تغير حيل يا للغرابه!
وأنا بعد غيرت من نظرتي فيك
أصبحت حلم(ن) مات بأول شبابه
عيا زمانك لا يحقق أمانيك
خلاص ماهي ياحبيبي طلابه
رح في طريقك وإعشق اللي يخاويك
مابييني وبينك علاقة تشابه
عندي مبادي تختلف عن مباديك
أنا أداري سمعتي والقرابه
وأنته بعد من هرجة الناس أداريك
كان الوصل بيني وبينك سحابه
وليا أجدبت دنياك تمطر وتسقيك
كنت أحسب إنك كون كله رحابه
من وين ما أوجه طريقي ألاقيك
وليا دعيتك جيتني بإستجابه
ماكنت أحسب إنك تغير خطاويك
واللي حصل ماكنت حاسب حسابه
خيبت فيك ظنون من كان يغليك
ماينفع الغايب جفاه وغيابه
ولا ينفعك كثرة زعلك وتغليك
أنا ترى عقبك عشقت الكتابه
انسى بها همي ليا حل طاريك
شف جرحك اللي رحت تشكي صوابه
سبايبه درب(ن) مشيته برجليك
باكر تجيني تشتكي من عذابه
و تقول لي مشتاق وأبعد وأخليك
وليا سألت شفيك جتك الإجابه
خلاص وقتك راح ماعاد يمديك