منتديات رهين الشوق - همومك هاتها فيني أحبك يعني مقدورة .. أحبك تنمحي همومك ولا لك هم تشقى به .. سالم سيار

همومك هاتها فيني أحبك يعني مقدورة .. أحبك تنمحي همومك ولا لك هم تشقى به .. سالم سيار

مدخل ..

وقف ولا ترمـي وداعـك بالاعيـان
محتاج أنا لـذرة امـل فـي سنينـي
هذي تفاصيل العمر وسـط الاجفـان
صوّر واماكن فـي عيونـي تجينـي
والله من تطري وسط عمر الاحـزان
كل الفرح من لـون وجهـك يجينـي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تعال ارسم بقايا الحلم وكمل باقـي الصـوره
وعلقها على قلـب يشوفـك حلـم يهنـى بـه

وعلي اترك سواد الوقت والويلات وكسـوره
وتعال بشوفي واتغطى عن أية ريـح بأهدابـه

لشيلك عن ظلام خذ شعاعي واهتنـي بنـوره
واذا بك جرح حي الله راعي الجرح ومن جابه

همومك هاتها فينـي احبـك يعنـي مقـدوره
احبك تنمحي همومك ولا لك هـم تشقـى بـه

انا لك من هنا حتى مغيـب العمـر وزهـوره
الى مشرق مشيب العمر ليـن يغيـب بترابـه

نويت اخذك واعطيك الخفوق وباقي شعـوره
حلالك دمر وعمّر حبيبـي انـت اولـى بـه

تظلل بالحنان ولك غيـوم الشـوق ممطـوره
ولا تفكر بأي لحظـه يمسـك قلبـي بعتابـه

واذا عاتب انا احشه حبيبي لك مـن جـذوره
واحبك فيك من قلبك هو اطهر قلب اسمى بـه

حبيبي بس تعال ارسم وكمل باقـي الصـوره
وعلي الباقي لاتحاتي جروح الوقـت وانيابـه

مـــخرج

انا مـن بيـن كفينـك شعـور يشبـه الشعـره

اقولك شي ترى فـدوه حياتـي لـو قطعتينـي

اخذت من الصبر لا لا اخذ مني الصبر صبـره
مـدام بغيبتـك محـد يجـي مثلـك ويحيينـي

تعالـي يابعـد روح الشعـور ويابعـد عمـره
انا البارح لهذا اليـوم ابـد ماغمضـت عينـي

تنفستك شعور وفاح من صـدر الغـلا عطـره
تنهدتـك وشفـت الضيـق يتنهـد عناويـنـي

يضيق الكون بعيوني واشوف انـه ثقـب ابـره
واشوف الموت ياعمري مابين عيونـك وبينـي

لـ سالم سيار العنزي

.. المدخل والمخرج ايضاً لسالم سيار

لكن .. المدخل من قصيدة والمخرج من قصيدة أخرى

والنص قصيدة مختلفة .. وتجميعي أنا .. أتمنى ان تنال ذائقتكم