منتديات رهين الشوق - تبي تشوف الذل بصورته صح--- شف دمعت الفرقا على خد رجل

إجرح وأنا بَبْكي على قلبي إجـرح .. مادام لي قلبٍ يسامَحْك فـي الحـال

قلبٍ يسامح وانت تجـرح ويَدْمح .. أبكيه؟ولاّ أبكيك؟ ولاّ ابكي الحـال؟

قلبٍ على ذكراك يمْسِـي ويصْبَـح .. صَبرَه طويلٍ لكـن مْعانـدِك طـال

قلب ٍ تركتك فيـه تسـرَح وتمـرَح .. مِحتاج..حكّمْ داخل القلب.. محتـال!

لو تدري المحزون وشلون يفـرح .. وقَفْت له مِن دَهشتِك. وقفة إجْـلال

يفرَح. فرَح. خاسر تجارة. بمربـح .. فرحة غريقن ساقه المـوج للجـال
وإلا فرح مترقب الموت إلى أصبـح .. وهـو بظنّـه تالـي الليـل رحّـال

لاشاف وجهك باسمٍ وانـت تجـرح .. أو شافك بجرحه مع الناس تختـال

ودّك تشوف الذل.في صورته صحّ ؟ .. شف دمعة الفرقا..على خدّ رجّـال

ولاّتشوف الذل في صوره أوضح ؟ .. شف بسمة المقتول. في وجه قتّـال