منتديات رهين الشوق - تكـــــــفى يامـــوت زرنـــي !!!

خلي هجرني تكفى ياموت زرنـــي
=وان ماقدرت دلني مكانك وانا اجيك

مابي حياتي دام خــلــي هجــرنــي
=مابي حياتي دامه يقول مابيــك

يدري بظلم الناس يدري وظلمني
=واكد كلام اللي يقولون ناســيك

لكن قبل لاتاخذ الروح مــنـــي
=باسأل حبيبي كم سؤالً واخاويك

وشلون قلبك ياحــبــيــبي تركني
=وتد ري بخفوقي كم له سنين هاويك

وماتدري بعادك وصدك ذبحنــي
=وما تدري عن دمع نثرته وانا ارجيك

اسال جميع الناس وش صار عــني
=اسال وش اللي صار في حال مغليك

لو عاش عاقل عيشتي كان جــنــي
= حالي لو تــشوفه بـعيـنـك يــبــكــيك

لوعلموك وش كثر همي وحــزني
=من يوم حبي انتهى وصار ماضيك

لو علموك عن قــلــبي الــلــي يــوني
=مطعون يصرخ يشتكيلك يناديــك

صار الحزن هو لعبتي صار فني
= ابكي ندم والله الى حل طــــاريك

ضيقت صدر ويا الهموم اسكنتني
=احكي واكــمل ولا ماقلت يكفيك

اللي سمعته بــسبتـــك انــت جتني
=عطيتني كرهك وانا الحب معطيك

ضاعت سنيني وانا بالحب ابنـــي
=قصوور وانهدت سبب فعلت ايديك

جاك الوفا والحب والعشق مـــنــي
=حتى الوله والشوق والصدق مهديك

قلبي وفالك وانت قــلــبــك خدعـــني
= خدعت قلب كان بالــحــب شاريك

بكذب وخيانه وغدر قلبك حضني
=في وقت قلبي فيه يسهر يداريــك

ماكنت أظن قصدك بحبك تذلــــني
=ذليتني من بعد مامــت انا فــيـــك

هذي حقيقة بعض مامـــنك جتـــني
=وبعض اللذي اسقيتني ســـم با ايديك

ماكنت ساكــــت خايف بس لانـــــي
=ميت بحبك ما أقدر ازعلك واشقيك

حرّمت اقولك من محبتك عطني
= مادام غيري في محبته مرضيك

ببعد بعيــد واوعدك ما احــــني
=ابشر اببعد ومع حبيبك بخليك

وابي مماتي ياخذ الروح مني
=تاركلك الدنيا بها الله يــهــنــيــك

واذا سأل في يوم انا انسان عني
=قله توفى والسبب طعن بيديك

للأستماع بصوت الشاعر :

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

نـــزف والقـــاء الشاعر

سعـــد بن جزاء المــيموني الشمراني {شــــاعر حزن }

نقلتها لكم