منتديات رهين الشوق - كلمتني وأسمعتني صوتها قبل زفتها بدقايق...؟ !

منتديات رهين الشوق (http://www.alshoogg.com/vb/index.php)

- بوح الخواطر ونبض الإحساس (http://www.alshoogg.com/vb/forumdisplay.php?f=16)

- - كلمتني وأسمعتني صوتها قبل زفتها بدقايق...؟ ! (http://www.alshoogg.com/vb/showthread.php?t=1965)

كلمتني وأسمعتني صوتها قبل زفتها بدقايق...؟ !

كلمتني وأسمعتني صوتها قبل زفتها بدقايق
قالت حبيبي بودعك وبعطيك من وقتي دقايق

ودي اسمع صوتك حبيبي
ودي أنسى كل شي وأبقى مع صوتك حبيبي

ما قويت انطق ولا اتكلم ما عرفت بها الظروف
وش أقول !!

كنت دايم اسمّعها ضحكتي كنت دايم أناوشها بلهفتي
واليوم جاتني تعذبني تسمّعني ..

صوت الدفوف

قالت حبيبي هذا صوت أم العريس تنادي عليّ وتقول ..
يا الله تعالي عجّلي

ودي حبيبي ها اللحظه تطول وأبقى ..

مع صوتك دهور
وين راح الحكي منّي وين ألقى الحروف

قلت إرحلي عنّي والحقي صوت الدفوف
واتركيني بوحدتي انسج أبيات الحروف

يمكن ألاقي مع الوحدة صدى للي بقول
قفلت ورحت وانا وحدي ويملى مسمعي ..

صوت الدفوف

صوتها بعثر أوراقي وخلاّني مع همّي نطوف
بين الشوارع و المداين نحتري موكب عروس

قلت يمكن تلتقي بهاللحظه العيون
وانتحاكى ما بين كل الخلق بعيون ودموع

للأسف ما كنت ادري ان قلبي بها اللحظة يحتضر
وكان الكفن صوتها والدفن موكب عروس

شلت قلبي وسط كفي ورحت امشي
أدور مقبرة ادفنه فيها وأستريح

شفت كوشتها منصوبة على أعلى الدرج
وانحنيت احفر وادفن القلب الجريح

شفت في الحفرة قلبها مدفون
وانكتب في وسط الحشا كلمتين ..

حبيبي مستحيل يعيش
في هاالقلب غيرك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]