منتديات رهين الشوق - تدريٌ متىٌ تستآإآهلٌ الطعنٌ مرآإتـ

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تدريٌ متىٌ تستآإآهلٌ الطعنٌ مرآإتـ .؟!

يغنيك عن كثر الحكي مجمل ابيات
ومن ياخذ المضمون يلقى الأدله

تدري وش اللي يقتل الحب بسكات
لاصرت في بوحك تحس بمذله

وتدري وش اللي يكسر الظهر حزات
لامن عطيت احساس ماهو بمحله

وتدري متى تستاهل الطعن مرات
لا من خطيت الدرب وانته تدله

لا تتبع المقفي على كل حالات
بعض الوجيه اللي تقابلك عله

ولا تسأل الغالي عن الجرح لا فات
نبش الحكي يزود الطين بله

طالع فمن حولك وتاخذ شهادات
مانلتها لو تدرس الدهر كله

ناس(ن) تجر من اسود الضيق ونات
وناس(ن) تقضيها وناسه وفله

هذاك شال هموم غيره ولا بات
وهذاك مايدري عن احساس خله

احدن يهين اصله على كل زلات
واحدن ترومه شيمته ماتزله

لا تقول حظي من عنا الوقت قد مات
قل مات حظ اللي عناه استحله

ولا ضاقت الدنيا وعلى الكيف ما جات
اطلق احجاجك ثم توكل على الله