منتديات رهين الشوق - طلبات الحريم بترتيب حروف الهجاء. لا يطوفكم :×

بسم الله الرحمن الرحيم
السلام عليكم ورحمة الله وبركاته
0
0
0
0
0
الإلف :- ابي فلوس بروح معزومة على شاي الضحى

الباء :- باجر ابيك توديني لبيت اهلي عندهم عزيمة

التاء :- ترى اليوم أنا ماني مسويه عشى روح الطعم تعشى

الثاء :- ثلاث أسابيع ما طلعنا يا لله طلعنا اليوم

الجيم : - جيب خدامه تساعدني بشغل البيت.........(والبيت نص شقة) قهر

الحاء : - حبيبي..ودي بساعة رولكس , مليت من ساعتى الاوميغا( توها سامعه بهالاسم)

الخاء :- خل الشلة اليوم..أنا عازمتك نتعشى بره, بس على حسابك

الدال :- دور لنا فله على 3 شوارع وفيها حمام سباحه (الراتب 600 دينار من وين يا حسره)

الذال :- ذيك السنة (قبل 10 سنوات) قلت لك اشتر لنا سيارة رنج روفر اليديده وما شريت

الراء :- روح قدم على إجازة خلنا نسافر أوروبا ,,اووف حر

الزاء :- زيد مصروف البيت هذا ما يكفي أغراض البيت (ومعظم المصروف عليها وعلى خرابيطها)

السين - :سجاد البيت صار قديم ....غيره يا أخي (السجاد ما كمل له سنتين)

الشين :- شيل ولدك شوفه يبجي هناك,أنا تعبت من العيال..
الصاد :- صفف الملابس هناك , مليت وأنا القط ورآك

الضاد :- ضبط أوضاعك..ترى كبرت المسؤولية..(توها والدة)

الطاء :- طالع زين السيارة تفشل قديمة, نبي جيب بورش (بالمشمش)

الظاء : - الظاهر انك ما تحبني..ليش ما شريت لي العقد الألماس اللي عند رفيجتي فطمو :- عيوني..اليوم شفت فستان عند زوجة اخوي يجنن ودّي بواحد مثله

الغين :- غيّر يا أخي أسلوبك معاي...كله برود .. شفيك جنك تفكر بوحده غيري

الفاء :- حبيبي نبي نروح لعيادات تجميل هالصيف يقولون انهم مسوين ديسكاوند على اسعارهم هالسنة لووووووووووووول؟

القاف : - قدّر يا أخي شوي...كل شغل البيت على راسي...تكّرم وساعدني شوي

الكاف :- كفاية ملينا من هالبيت متى راح تشتريلنا بيت اكبر من هذا 0

اللام :-لي متى الحبسة في هالبيت لا نطلع ولا نروح مثل خلق الله . (لو بيدي .. احكرج بقفص)

الميم :- متى نروح النمسا مثل ما وعدتني قبل؟؟؟؟( انتي صيده وقبل كنت اقص عليج ) هههههه

النون :-نبي نحجز شاليه في شرم الشيخ طول الصيف ..لا تنسى!

الهاء :-ها عاد..ترى أروح بيت اهلى! إذا مو قد الزواج وتكاليفه ليش تاخذني؟؟

الواو :- ورني شطارتك وروح عند أخوك اخذ منه الورث( راعية مشاكل)
الياء : - يالله ترحم ريلي كان ريال طيب وتوه ماتهنى بشبابه