منتديات رهين الشوق - بعد خمس سنـين مرت (آآهـ) أنا بالسـوق شفته

بعد خمس سنين مرت آهـ أنا بالسوق شفته
صدفة جابتني لدربه من بعد خمسة سنين

والله اني من سمعته كلم البـايع عرفته
إلتفت بلهفة اللي حيل مضنيها الحنين

لكن الصدمة عظيمة شايل.ن بيديه بنته
ومعه أم البنت تمشي شابكة فيه اليدين

وقتها دآرت بي الدنيا وحزني ما احتملته
حارت دموعي وأواسي نفسي يا ريم اليقين

وصرت أفكر يعني يعرفني مثل ما أنـا عرفته
وإلا ناسي قلبي اللي مارضى بغيرهـ ضنين

دق جواله ونزل من على الأحضان بنته
وخثعت بنته ونادى : ريم لا لا توقعـين

قمت أناظرها ودمع احتار بعيوني ذرفته
استوت هالدنيا عندي عادي لو موتي يحين

انحنيت أبوس ريم وخدها الأيمن لمسته
التفت لي وقال لي : ياهيه فيها وش تبين

قمت أتجاهل وأسوي نفسي كني ماسمعته
قال : يااختي ابعدي عنها ولاتستهبلين

ويوم قرب لي بعيني من ورآء البرقع خزرته
وانكسر صمتي وقلت : الله على الدنيا يعين

طاح جواله تلعثم قال : أنا بحلم.ن حلمته
وإلا واقــع فهميني ليه عني تبعـدين

ليه عني ماسألتي وأنا هذا الكـون بعته
لجل عينك ياعيوني وما أظنك تجهلـين

أنا من بعدك يا ريمي حتى طاري العرس عفته
ناظري فيني وشوفي كيف من بعدك حزين

والله إني ما أنام إلا وماضينـا ذكرته
أنتي وحدك من جعلتي قلبي القاسي يلين

أقسم بربي غلاك بيوم ماعمري جحدته
ما إلتفت لبنت غيرك ما سمعت العاذلين

ماسهجت دروب غيرك دربك الي بس سهجته
وش أسوي لجل ياروحي كلامي تصدقـين

حتى شوفي هذي أختي تشهد بصدق الي قلته
وهذي طفلتها على اسمك اسمها وتستاهلين

صدقيني مانسيتك حبك الصـادق حشمته
حتى حرف الرآء منك باقي له بإذني رنين

قلت : عامر, قال : سمي, قلت : أنا والله صنته
حبك اللي كان أصفى من ورود الياسمـين

كم طلبني واحد.ن غيرك وأنا لجلك رفضته
وكم تحملت الغثاء واسمع شماتة شامتين

وكم لجل عينك بكيت وحتى ليلي لك سهرته
حيل ذابحني غيابك وفرحوا بي الحاسدين

وأنت تدري بأن حبي ما أبالـغ لو وصفته
بأنه أصدق حب يحصل في حياة الصادقين

قال لي : يا ريم ربي يشهد بدمع.ن نثرته
ويشهد إني وافي لحبك ولاسرارك أمين

إرجعي لأبوك قولي : نصفي الثاني وجدته
واحتريني جايب.ن مهرك ودبله باليمـين

ابتسمت وقلت في نفسي حرأم إني ظلمته
ثم طلعت من المحل والفرحـة بعيوني تبين

وقمت أتمتم في طريقي : هذي أخته,هذي أخته
وآآهـ يازين الوفــاء لاصار بين العاشقين

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]