منتديات رهين الشوق - كبرت ولا لقيت إلاّ : سوالف [ كانت الجهرا ] .!!

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - كبرت ولا لقيت إلاّ : سوالف [ كانت الجهرا ] .!! (http://www.alshoogg.com/vb/showthread.php?t=17961)

كبرت ولا لقيت إلاّ : سوالف [ كانت الجهرا ] .!!

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

.

صغير وكانت الجهرا سوالف عن غريب الدار .!
كبرت ! ولا لقيت إلاّ : سوالف كانت الجهرا .!!

هنا حلمك / و مدرستك / هنا ربعك / سنين قصار
هنا ماتت ملامحكم : وعاش الخووف من بكرا .!!

تنفس من صدى صمت المواجع وأطلق الأنظار .
هنا الأشياء : تتعاتب مع الأشياء لو تقرا .!!

تلفـّت وش بقى غير البيوت [ الطين ] والأسوار.
ورجل ٍ ورّث عياله دلاله وقهوة ٍ شقرا !!

صحيح العذر : هو ديـّه كريم ٍ يقبل الأعذار ..
ولكن مابقى درب ٍ كريم ويقبل المسرا .!!

يطوف العمر : عشرين ( الأماني ) وأبكي اللي صااار
وعشريني على [ ميهاف ] كذب الليل والقمرا !

تضيق الأرض : في ( وجه البدو ) من شحّت الأمطار .
واضيق بحزني الصادق وأسولف : تونس الخضرا .!!

أنا الدرب الطويل الممتلي بالخوف والأسرار .
وآحس الناي : تنهيدة غريب وجرح ما يبرى .!!

أنا المحتاج : لو كذبة أمان تكمّـل المشوار
وصرت أحتاج أي لون بحياتي يرسم الذكرى !!

شربتك يابلد ساده وكنت بسكـّرك أنهار !
رحلت : وكانت أسئـلـتي على طول الزمن عذرى

شوارعنا الحزينه : ذكريات الحيط : والأشعار .
وصبح يبلل أطرافه تفائـلـنا وما يجرا !

طفوله ( محزنه ) لكن : كـتبناها : ندا وأزهار .!
وكان الحبر : هو ذنب الورق واتساقطت عبرا .!!

كثير عيون تبكيني : وأنا من بكيها : منهار
وكثير دموع أبكيها على أشياء لو تطرى !!

رضيت أكذب على نفسي : وأقول الدار لهل الدار !
كبرت ولا لقيت إلاّ : سوالف [ كانت الجهرا ] .!!

.

.