منتديات رهين الشوق - قوارب الجبنه ... لذيذه وخفيفه

السلام عليكم ورحمة الله وبركاته

اخباركم يا حلواااات

... اليوم جايبه لكم فطاير جبنه لذيييييييذه ..

خلنا بنتدي

اول شي حطي شوية زيت زيتون في مله وحطي وياه ثوم مفروم

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اعملي خلطة الجبن

راح تجتاجين

علبة جبنا بيضا .. كل مره استخدم الجبنه البيضا مالت بوك ( هالمره استخدمت مالت المراعي ) بس بووك وايد احلى وما فيها ملوحه وايد مثل المراعي

افرمي بقدونس ونعناع وقطعي فلفل بارد أحمر قطع ضغيره جدا ( المفروض تكون هالاشياء اكثر ، بس مادري ليش هالمره قللت منهم )

اخلطي المقادير مع بعض ( اللي تحب الشبت ، تحط )

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

نسيت اقول ان راح تحتاجين مله فيها اوريغانو .. خليها على جنب

نجي لمقادير العجينه :

٣ أكواب طحين
٣ م . ك حليب نيدو + 1 م . ك سكر + رشة ملح + بيالة شاهي زيت زيتون
١ كوب + ٢ م . ك ماء دافي و نذوب فيه ١ م . ك خميرة فورية
نعجن المقادير بالعجانه .. اقل شي ١٠ دقايق ونتركها ترتاح لمدة نص ساعه
هاي شكل العجينه قبل لا تنتفش

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بعد ما تختمر العجينه

ناخذ جزء منها ونفردها على الرخام ونقطعها بالقطاعه المتوسطه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اخذي من خلطة الجبن وزعيها في الدواير

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

سكري اطراف الدواير وسويها على شكل قارب

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اخذي فرشاه وادهني جوانب القوارب بزيت الزيتون .. اللي نقعنا فيه الثوم .. بس حاسبي لا تجي قطع الثوم في الفرشاه .. احنا ما نبغي الثوم .. نبغي النكهه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

غمسي الفطيره في الاوريغانو

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بنصف القوارب اللي سويناها في قالب التشيز كيك بشكل مايل .. هالشكل .. خلي شوية فراغ علشان راح تنتفش في الفرن

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

راح يكون جذي شكلها بعد ما نمليها ( كل مره اسويها ارتب من جذي بس كنت مستعجله ، خفت خواتي يجون وانا ما جهزتها )

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تخبزينها في الفرن .. لازم تكونين مسخنه الفرن من قبل على حرارة ١٨٠

انا اخبزها من ١٠ - ١٥ دقيقه ..

هذا شكلها بعد ما طلعناها من الفرن .. انا خذت شوي من الزيت زيتون ودهنت فيه الفطاير بعد ما طلعتها من الفرن عشان تطعيها شوية لمعه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

حطيها في صحن تقديم

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

هني ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

منقووووووووول