منتديات رهين الشوق - أشـــم عطــرك بمنديل ٍ سرقته دون لا تدرين

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - أشـــم عطــرك بمنديل ٍ سرقته دون لا تدرين (http://www.alshoogg.com/vb/showthread.php?t=15773)

أشـــم عطــرك بمنديل ٍ سرقته دون لا تدرين

تعالي لعنبو ظرف ٍ وقف من دون لا تاتين
تعالي كم أنا مشتـاق أضمك يـا بعد عيني

صحيح ان الزمن دوار وصحيح الوقت هذا دين
عقب ذاكـ اللقا الحين وين انتي وأنـا ويني

ألا يا سيدة جرحي عسى ما به حزن تشكين
وعسى ما للفراق جـروح تهزك يوم تطريني

ألا يا عـز من مر الخفوق وشافتـه هالعـين
على عهد الهوى باقي ولو خانت بي سنيني

لـ جل عينك هـمل دمعي مثل منتي علي تبكين
وابد ما وسـوست نفسي وقلت انكـ نسيتيني

أعرفك زين ياعمري مثل عطـر المسا توفين
بخــــــــيله حيل بحضــروك ولكنك تحبيــــني

صحيح الوقت قفابكـ وعلمي في لقاكي سنين
ولكن طــــــــيفكـ بدمي جرى بأقصى شراييني

أشـــم عطــرك بمنديل ٍ سرقته دون لا تدرين
أحسك فيه وأنا ادري اذا حســـــــك تحسيني

أضم سلسالك بيدي وأقول انت ٍ يا عمري وين
وانا ادري في كنف غيري سكنتي لـوعشقتيني

أناظر صورتكـ وادري عليها منكتب حـــــرفين
وانا اذكــر كــــم قلتيلي أمانه يوم تعطيـــــــني

أناظرها في كل ليله من فراقك إلا هالحين
وأقـــــول الله يجـمعنا وانا ادري وينـك ويني

أمانه وان مرق طيفي على بالكـــ فلا تبكين
وابد لا ياخذك هم ٍ سكن من غيبتك فينـــــي

قدر مكتوب والدنيا مثل ما قلتلك هي دين
وحان اللحين ياعمري نوفـي دينك ودينـي