منتديات رهين الشوق

ياحرفـي اللـي ضـاع مابيـن الدفاتـر والرفـو اللـي رسمتـه مـن تنهَّاتـي ومـن حـبـر قلـمـي
ضحيت لجله في حروف وقمت لجله في حر وصبرت لو النار من فوقي ومن تحت قدمي
ياصاحبي اللي على شانك تحديت الضروف اسمع كلامي زين وافهم وش اقولـه مـن فمـي
ماهو بأنا اللي تتركه بين الخناجر والسيوف وتمـص دمـه بيـن خلـق الله يامصـاص الدمـي
انا بدويٍ ماسكن في الوقت مسكـان الضعـوف اتبـع هـوا بالـي واسيـر عنـد ذودي وغنمـي
طوفتها لك لجل خاطر عين ولا ماتطوف ولا انت مهما زاد وزنك وزنـي يطرحـك نسمـي
صمتي يدل اني وفي ومسويٍ فيك امعروف وصبري يدل اني من زحـول الصناديـد انتمـي
ياقوم ياللي تذبحون الحيل قدرٍ للضيوف وش رايكم في اللـي يعشينـي مـن اوصـال لحمـي
وقفت له يوم اجلسوا واجلستله ناسٍ وقوف غير الذخيره والفشق في محزمه مـن محزمـي