منتديات رهين الشوق - والله من قال لكـ ؟؟؟..والله هم قالوا لي ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

السلآم عليكم ورحمه الله ..

مسآئكم ..|..صبآحكم..معطر بالفل والجوري ..

اليوم قريت كم معلومه كثيييييير كنا نعرفها صح وهي غلط بغلط ..

اخليكم مع الموضوع ..^-^

من اللي قالكـ هالشي ؟

- هاهـ , هم قالوا لي ..

طيب , وشلون جبت هالمعلومه هذي ؟

- وشلون ؟ ايه مدري بس يعني هم قالوا لي ..

على اي اساس استندت ؟

- على هذاكـ .. ياخي هم قالوا لي ..

ياكثر مانسمع هالجمله .. او مثيلاتها ..

بسم الله , السلام عليكم ورحمة الله وبركاته .. <-- بدري !؟ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..

قريت معلومات الكل كان متيقن انها صحيحه .. وهي والله مادلت الصح ..

بعد ماقريتها .. جلست افكر .. غير هالمعلومات هذي ..

كم معلومه مغلوطه يتداولها الناس على انها معلومات صحيحه ؟

كثير .. كثير ..

جزمت .. اني احط حد لهالخرابيط

بس قبل كل شي .. خلونا نستعرض على السريع بعض من هالمعلومات المغلوطه ../

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( سم العقرب .. طريق القبر .. )

يعتقد الكثيرين ان سم العقرب مايردهـ عن طريق القبر شي ..

يعني ان سم العقرب " مميت " .. وهذا اعتقاد خاطئ ..

حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. وانحر اقرب مركز صحي او مستشفى ..

- وعلى فكرهـ .. ترى العقرب كائن غبي , اي شي قدامه يحاول يلدغه ..

يعني لو يصدم بـ جدار .. حاول انه يلدغ الجدار .. جد والله ..

شي غبي ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( مشينا نهظّم ؟ ) ..

امر شائع عن اغلب الناس ..

بعد مايضرب لكـ وجبه دسمه .. يآخذ له واحد من ربعه ..

ويمترون المكان اللي هم فيه .. ويعدون الكيلوات ..

طيب ليش ؟ يقولكـ ( والله ودنا نهظّم الأكل اللي تو أكلنا ) .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

غلط !

الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..

فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله ..

حتى ان العلماء يقولون ان ( الأسد ) بعد مايجرش [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

حلاو بقر .. للأبد .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( لا تآكل حلو وآجد , يجيكـ السكّر )

فيه اعتقاد خاطئ .. بأن أكل السكريات هو اللي يجيب مرض السكر ..! [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يعني لو أكلت سكر كثير تراكـ بتمرض بـ مرض السكر ..

وهو السبب الرئيسي ..

برضو غلط .. :/

مرض السكر سببه هو تلف في خلايا ( بيتا في البنكرياس ) ..

او عدم فعالية الأنسولين المفرز داخل جسم الإنسان ..

ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( إلهم بس إلهم , اذا مانفعكـ ماضركـ ! )

وش اللي اذا مانفعني ماضرني .. ليش يعني وش السر في ( الاعشاب الطبيّه ) .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الواحد يآكلها اذا تعب .. اما انها تنفعه او مستحيل تضرهـ ..!

المشكله ان هالشي متداول حتى في ( الصيدليات ) ..

الصيدلي المفروض عارف ودارس ..

يبربر عليكـ المصري : العلاق دا متكون من اعشاب طبيعيه .. موش حتزُركـ .. ماتخفش !

وكل هالبربرهـ علشان بس يبيع السلعه ويلهف من وراكـ دراهم .. ولو تموت .. ماعليه منكـ ..

ياجماعه .. بعض الأعشاب (( ســـــام )) .. !

وبعضها يسبب حساسيّه لناس معينه ..

الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( قلبكـ .. في الشق الأيسر ) ..

من قال انه في الجهه اليسرى تماماً للإنسان ؟

القلب موجود ( بين الرئتين ) بالضبط .. لكنه يميل بشي بسيط للجههة اليسرى ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( طف المكيف الحار .. تبي تمرضني انت !؟ ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

في (جونا الحالي) .. وضروسكـ تتصافق من قوة البرد ..

راكب سيارتكـ ومشغل المكيف على الحار .. تبي الدفاء [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

بعد ماتحس ان جسمكـ نشب في المرتبه من الحرارهـ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] .. وتفق كشركـ مستانس .. لأن وجهكـ بدأ يرجع طبيعي ويتحركـ ..

يركب معكـ واحد .. تبي توصله لـ مشوار .. اول مايركب يزأر بوجهكـ .. ياخي طف المكيف !

انا ابنزل بعد شوي لمكان بارد .. تبي تمرضني ..

من اللي قالكـ ؟

نظرياً .. كلامه غير صحيح ..! بس انه خايف على نفسه زيادهـ (بعذرهـ من هالبرد اللي يشق الوجه ( ..

يعني اذا كان الأمر (متتابع) ممكن .. كلامه صحيح ..

لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط !

- في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه ..

وتنزل للهواء الحار ..! طيب تعال انت ياللي ركبت قبل شوي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] .. ليش هنا ماسكرت المكيف ؟

موب برضو فيه إنتقال من درجة حرارهـ لـ درجة اخرى ؟

طيب ليش ماجاكـ شي ؟

علمياً .. ونظرياً .. هذا مجرد خوف لا أكثر .. وافتراضات مالها صحه ..

لكن .. هم ينصحون ( بتدفئة الجو العام ) , يعني المكان يكون دافئ ( السيارهـ , او الغرفه ) افضل من انه يكون بارد او متعدل على حرارة الجو الطبيعيه .. الدفاء مامنه ضرر ابد .. لكن البرودهـ تأثر على الشعب الهوائيه والجهاز التنفسي ككل .. وتسبب الحمى ..

فيقولون .. لازم تدفئ المكان المحيط بكـ .. او إنكـ تلبس خلاقين [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وخاصه الصغار ..

علشان يكون محيط جسمكـ .. دافئ لـ درجة حرارهـ ثابته ..

- فالإنتقال من دفاء لـ برودهـ .. او العكس .. مامنه ضرر ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( غسل يديكـ بالصابون , عقّمها من الجراثيم ) ..

هذا الكلام موب زين ..

الصابون ( يُنظف ) فقط ولا يُعقم الجراثيم (مايقتلها) ..

فـ محتاجين لـ معقمات للجراثيم ..

نستعملها على الأقل ثلاث مرات في اليوم ..

عموماً فيه الحين انواع معينه من الصابون ( تنظف و تُعقم ) ..

مثل ( ديتول , لايف بوي ) .. وخصوصاً في الاستحمام ..

فيه صابون استحمام ديتول .. ممتاز .. شي يعني صدق زين ..

يالله هه ياديتول .. دعايه بـ بلاش .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( الأسد , ملكـ الغابه ) ..

لاعبين علينا ؟

المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..

والله يا اني ضحكت لين تمزعت من القهر .. طول هالوقت لاعبين علينا !

الصدمه :

الأسد ماعمرهـ وطوط عند طريف الغابه ! [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ماعمرهـ طب شي اسمه غابه !!

الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..

الله لايوفق من كتب قصة الأسد هذاكـ المريض .. يوم يعالجه الثعلب ويصير صديقه ولا يآكله ..

طيب تدرون وش الصدمه الثانيه !

ان الاسد مايآكل الثعالب ! ههههههههههههههههههه

لاعبين علينا قسم بالله ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..

نصابه , والله انتس نصابه وملعوب عليتس ..

حتى كلنا ملعوب علينا في هالمناهج .!

الصدمه الأخرى :

القط لا يأكل الفئران !

القط يلاحق الفار من باب التسليه واللعب بس .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

- سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..

نفس الوضع .. الآدمي اذا اضطر وذبحه الجوع .. يآكل الجيفه ..

يصير الآدمي أكآل الجيف ؟

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( الحشرات , مالها دم ) ..

برضو خرابيط ..

الحشرات مثلها مثل غيرها في مملكة الحيوان ..

لها دم .. لكنه يختلف لونه ولزوجته عن باقي الحيوانات ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( إن كان حبيبكـ ثور , إلبس لوهـ أحمر ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الصدمه الـ 78 :

الثور , مثله مثل باقي الحيوانات .. يشوف اللون الأحمر رمادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

انتحر ؟

حتى الأسبانيين .. مسوين فيها يعني اننا نعرف للثيران .. !

يمسكـ له طربال أحمر .. ويمرمرهـ على خشة الثور ..

مسوي يعني انا جالس الحين اثير غريزته الحمراويه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

نصابين بعينكم ..

والأنصب منكم اخو اللي كتب قصة الاسد في مناهجنا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ,

لأن عندي احساس انه هو اللي كتب قصة الثور اللي مايبي اللون الأحمر ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

( افصل البطاريه عن اللاب اذا بتشتغل على الكهرب ) ..

ياكثر ما اسويها ..

وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..

كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..

فيه نوعين من البطاريات الشائعه ../

- بطاريه نيكل :

هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..

وبعدين وجودتها تتأثر اذا طولت مشبوكه في شاحن الكهرب ..

- بطاريه ليثيوم :

هذا النوع من البطاريات .. له عمر افتراضي .. من سنتين إلى ثلاث سنين ..

وهالنوع هذا .. خربان خربان بعد عمرها الافتراضي حتى لو ما استخدمتها ابد ! [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اشحنها على كيفكـ .. اشبكها وانت تشتغل .. ان بغيت وصلها بعداد الكهرب ..

هالنوع هذا ريحنا من سلبيات بطاريات الـ نيكل .. بس ان عمرهـ قصير ..

طيب .. تدرون ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..

ياحسافة ضيقة الصدر بس ..

( كهرب خط 220 , يصرف �أكثر من خط 110 )

امر شائع .. خاصه في الفواتير ..

يقولكـ بالصيف تكثر الفاتورهـ علشان المكيفات 220 [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

طيب وبالشتاء ؟ موب فيه دفايات كهرب 220 ؟ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

- مافيه فرق من ناحية الأستهلاكـ بين خط 220 و خط 110 !

الفرق الوحيد فقط هو في ( شدة التيار المار بالسلكـ ) ..

وهي اللي تتسبب في سخونة و�حتراق بعض الاسلاكـ .. وهي اصلاً لها تناسب عكسي مع فرق الجهد ..

يعني (فيس مصري يرفع نظارته عن خشمه) , على سبيل المثال ..

لو عندنا دفاية 2000 وات .. وتعمل على 110 فولت .. بيمر في السلكـ ( 18 أمبير ) .. وهو سبب الحرارهـ والاحتراق دايم ..

ولو شبكناها بـ 220 .. بيمر في السلكـ ( 9 أمبير ) .. فرق الضعف !

يعني .. الأجهزهـ اللي تشتغل على 220 هي أكثر اماناً من اللي تشتغل على 110 .. ومافيه فرق في قدر الاستهلاك ..

( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )

( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] , بعدين تموت ! )

غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..

- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..

وتقع في طرف الطيف المرئي بجانب اللون الأحمر ..

* اي جسم حار تنبعث منه الأشعه تحت الحمراء في مرحله من مراحل التسخين ..

* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..

* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟

* بعض الثعابين , تستخدم نفس التقنيّه ..

معليش يالريموت .. حقكـ علي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

( فأرة ليزر ) ..

الكل يعتقد ان الـ فأرة الكمبيوتر .. تعمل بأشعة الليزر ..

والله ماوراها ليزر ولا هم يحزنون ..

تراها تعمل ( بالضوء العادي ) .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يعني مثل لمبة التريكـ .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

طيب ليش الي اخترعها سماها ( ليزر ) .. !

لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر ) , قبل لايرجع لـ ديرته ويخترعها .. نصاب مثلهم ..

سولفت كثير ؟ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

مدري احس اني اخذت راحتي بالحيل .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بس اختم بشي صراحه مهم ..

إن العلم , والثقافه .. ماتطرق الابواب ..

من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..

يرضيكم اللي سواهـ فينا ابو القصص ؟ واللي كتب المناهج ؟

خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر ..

وهالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ .. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

<-- ماودكـ تضغط ( أعتمد المشاركه ) وتمسكـ الباب ؟

لا , بس باقي شي مهم ..

من باب .. الشي بالشي .. يُذكر ..

( الهديه , لا تُهدى ولا تُباع ) ..

الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع !

مافيه اي صحه للحديث هذا ..

بل انه من خلال بحثي .. وجدت حديث مخالف للحديث هذا ..

جاء فيما معنى الحديث .. ان الرسول صلى الله عليه وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى علي بن أبي طالب رضي الله عنه ..

الهديه هي ملكـ للشخص المُهدى , يسوي فيها اللي يبي .. يهديها يبيعها .. لكـ كامل التصرف فيها مثلها مثل باقي أملاكه ..

فـ : خذ قلبي يالغظي والهديـه ماترد ,,

وانت ياشد الهوى هات قلبكـ , وازهله ..

- احاديث كثيرهـ " موضوعه " , شائعه عند الناس ..

تحتاج وقفه وتدبر منا , هذا ديننا .. ومن الواجب علينا حفظه كما جاء ..

فيه موقع اسمه ( الدرر السنيّه ) , للي يشكل عليه حديث .. وله رغبه في التأكد منه .. يدخل هالموقع ويتأكد من صحة الحديث .. بمجرد البحث عن كلمه فيه ..

اتمنى اني ما اكون طولت بس [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

آخذ راحتي بعد ؟ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ..

سبحان الله وبحمدهـ .. سبحان الله العظيم ..

استغفر الله واتوب إليه .. ولا إله إلا الله ..
استنى الرودود ..وايوا صح نسيت منقول من ايميلي ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]•••[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]