عزة النفس
 

اما على ضو القمر والا بلاش امن النجوم
الذنب مو ذنبي انا كلن على تربايته
عزيز نفس وعزتي ماهي على حب الخشوم
اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم
الموت من طاح وخثع كسّر واهو فبدايته
ياهيه قولوا للغضي تراه غالي ومحشوم
لايفهم المقصود قلبي جا يسلم رايته
لاواللذي خلا غلاته في خفوقي كوم كوم
ماجيتله كني طفل يبكي على لهايته
جيته كريم وبنصحه ياهيه بس يكفيك نوم
جرحتني واليا متى واقول هذي فايته
اصد ماودي الومه وانصدم بأنه يلوم
غريب اي والله غريب ولاعرفنا مايته
ياهيه قولوا للغضي عن شي في بالي يحوم
واكيد ماشال الكتاب الا يعرف اقرايته
واكيد لله الدوام وغير ذاته مايدوم
والله عرف بالعقل سبحانه منزّل آيته
عزيز نفس وعزتي ماهي على حب الخشوم
الذنب مو ذنبي انا كلن على تربايته

رد: عزة النفس
 

~||طرح جميل ومميز
سلمت يمناك ع الانتقاء والسرد
لاحرمنا الله من عبير تواجدك
دمت بسعادهـ بحجم السمآء
لقلبك طوق من الياسمين||~