وش غيرك
 

ياصاحبي وش بك علي تخطي وأنا أتجاهل خطاكـ
الأوله مشيتها والثانيه عديتها

وش غيركـ ياصاحبي وش جاك مني وش بلاكـ
....زله ورا زله بلاسبه علي أركيتها !

الأوله شفني اتقارب منك لاتبعد وراكـ
......عطني يمينك بعد ما يمناي لك مديتها

والثانيه لــ من تعرضت للمخاطر والهلاكـ
.......فلاتقول اني لجل غيرك قبل سويتها

والثالثه لا قلت احبك لاتلقيني قفاكـ
....وتصد وتقفي وكأنك دمعتي ماحويتها

وأن كان تبغي دمعتي تنزل لجل تثبت غلاكـ
....لاوالله بتبطي عظم لك دمعتي ماأصخيتها

ياصاحبي ماني ضعيف لك ولاابغي رجاكـ
.....لاشك تشفع لك عيونك كل مالديتها

مادام هذي غايتك ياصاحبي بعشق سواكـ
....سيوف الخيانه دون دمعة محجري سليتها

كنت اتغاضى عنك وادمح زلتك واطلب رضاكـ
.........واليوم لوشفتك تولع نار ماطفيتها

بزيدها نار وحطب حتى تواقد في حشاكـ
...وان جات بترمد رجعت وبالحطب شبيتها