منتديات رهين الشوق - خلاص روّح دام يعجبـك غيـري

إليكم هالقصيدة وإن شاء الله تروق لكم

خلاص روّح دام يعجبـك غيـري
قلبي زعل ماهـوب ساقـي نباتـك
دعني لحالي هكـذا هـو مصيـري
دام الوفـا مالـه بـذور بحياتـك
زهقت اجيلك ما نفع بـي مسيـري
تعبت لرجـع واعثرتنـي حصاتـك
ركضت ادّورنـي قليلـي وكثيـري
واثري مضيّعنـي بكاذيـب ذاتـك
روّح وتبقى صورتك فـي نظيـري
رسمتها صـورة تناقـض صفاتـك
تظل حبّي وين ما انهـج واسيـري
حتى ايش لو غدرك بي اعلن مماتـك
فالأمس كنتـي تفرحيـن ابسعيـري
واكبر طموحك انحجم في رجاتـك
العـز سكـر لـو اذوق المريـري
والذل علقم لو عسل فـي شفاتـك
لو كنت انا المخطي اسابق مطيـري
انحت صخور الارض واطلب رضاتك
انت الخطا ما صنت جودي وخيري
لاتعتذر وارحل ابدمـح خطاتـك
يازين ربـي يسعـدك عنـد غيـري
قلبي رضا يدعـو بخضـرة نباتـك