منتديات رهين الشوق

صباح الخير يسعـد هالصبـاح وياصبـاح الخيـر =من شفاهك صبـاح الخيـر تطلـع سكـر زيـادة
صباح القهوة الحلوة صباحك فـي عيونـي غيـر =صبـاح العشـق لاغنـت علـى طاريـه مـيـادة
صبـاح القامـة اللـي لاتثنـت ماتبـي تبـريـر =تهز عروش كل الغيـد .. وتبقـى لحالهـا غـادة
صباح يشـل تفكيـري وأحلـق خـارج التفكيـر =صبـاح ٍ مايبـي موعـد يجـي دايـم بميـعـاده
صباح أحلا دلع .. وأحلا غنج لـه داخلـي تأثيـر =صباحك وش صباحك : ماعرف وصفه ولا أبعـاده
فديت الوالديـن اللـي لفـوا بـك مابهـم تقصيـر =لفوا بالفتنة .. الا ( الفاتنـة ) للقلـب وأمجـاده !!
تعالـي طيّـري سـرب ٍ بقلبـي يعشـق التطييـر =تعالـي سيـدة عـرش الخفـوق وقمـة أسـيـاده
تعالي حرري قلـبٍ مـن همومـه يبـي تحريـر =حلف ماتسكنه عـذرا سـواك ومعلـن حـداده !!
تعالي مهـرة تحـوط خفـوق وترفـض التسويـر =مثل ماحوط الإغريق قلـب ( حصـان طـروادة )
تعالـي بشـرّي ( ..... ) بيـومً يطلبـك تبشيـر =يبي بشرى وصال أبـلا أنفصـال ويعلـن أسعـاده
تعالـي فرحـي شاعـر يبيـك وخانـه التعبـيـر =تلعثم ضاعت حروفـه لقـى فيـك أسعـد أعيـاده
حبيبك شاعرً حرفـه يجيـد الوصـف والتصويـر =يبي يوصف جمالـك ياعيـون العشـق وأجـواده
فديـت الغـرٌة اللـي ليلكـيٌـة قـمـة التٌحيـيـر =بها من ظلمـة الليـل العتيـم اللـون وأحيـاده !!
تجـي بـأول جديـل ٍ ينقسـم قسميـن ثـم يثيـر =جنـون الغيـرة العميـا بجـد الجيـل واحـفـاده
تحتها جبهتك أو مطلـع الشمـس وضيـا التنويـر =على تقويـس حجـان ٍ تجـي كحـلا كـذا سـادة
تحتها رموشك الغدرى سهـوم .. ولاتبـي تنظيـر=تشكّل ( دائرة بـرواز ) لاأحـلا عيـون صيـادة
تحتها سلة السيف (الخشـم) سيـفٍ بـلا تشهيـر =شهيقـه ( طلسمـة ساحـر ) زفيـره جـن ورٌادة
هنا توتٍ سكن وسـط الشفايـف وأعلـن التبذيـر =بـدا ينسـج بـذاك اللـون الاحمـر نـار وقٌـادة
بعدها دبلة الخطبـة خـذت مـن مبسمـك تدويـر =ولكـن مبسمـك لـه جاذبيـة تفـضـح عـنـاده
يـزوٌد جاذبيـة مبسمـك صـوتٍٍ يـرد الطـيـر =يشـك أن البشـر تأخـذ مـن التغريـد تــرداده
مرايـة جيـدك السحـري تعاتبنـي تبـي تقريـر =نسـت مـن زيٌـن الالمـاس يـوم التـم بقـلادة
بعدهـا بتـرك التفـاح يتكـلـم بــلا تكـديـر =يبـي يُنشـد علـى كيفـه وانـا استمتـع بإنشـاده
على خصرً تهصّـر بـه يشـح بعسـره التيسيـر =وأحسٌ الجمع يصبـح بـه مثنٌـى يكـره إفـرداه
يشيله ساقك المدمـج .. أو المبـرم لـك التخييـر =على راس القدم عشر الاصابع ضمـت أحـاده !!
خلص بوقف ؟ بلاش أوصف ( قليلي ) يشبه التكثير =وصفت ولا وصلت لوصف يجمع عشـق وريـادة
أنا ماأبي سوى ( موضوع واحد ) أي فقط لاغيـر =أبى أعلـن للفـرح موعـد وأجـدد عيـد ميـلاده
فديتك ياعسى قلبي وصل مسكـك وعـاف الكيـر =وارقص سكـر زيـادة علـى نغمـات ميٌـادة !!