منتديات رهين الشوق

منتديات رهين الشوق (http://www.alshoogg.com/vb/index.php)
-   ملتقى شعراء رهين الشوق (http://www.alshoogg.com/vb/forumdisplay.php?f=15)
-   -   هدمت عرشك (http://www.alshoogg.com/vb/showthread.php?t=45581)

عاشقة الدموع 2019-08-20 10:25 AM

هدمت عرشك
 
عفت الغلا .. عفت الغرام ورواجه .,
ودرب يوديني على باب بيتـك .,
تبيعني فـ سوق الغياب وحراجه ..؟
وأنا خسرت العمر حتى شريتك..!
ضحيت لكن تضحياتي .. سذاجه .,
وأنا احسب اني [ فالغرام ] اهتنيتك .,
لو أن يدي تحتاج وتصير حاجه ..؟
بقطع يدي وأموت .. ولارجيتـك .,
حلاك صاير في عيوني سمـاجه .,
وغلاك مايشفع مـا دآآمي لغيتـك .,
شربت من ضيم المعاتب همـاجه .,
وغفيت فيك وليتني مـاوعيتك .,
لو قلبي مجروح وعندك علاجه ..؟
نصيت [ كل الناس ] ولا نصيتك .,
القلب كنت أنت السبب في ابتهاجـه .,
واليوم.. صرت انت السبايب وبكيتك .,
امسيت ما ابغي من ورى الناس حاجه .,
واصبحت متحسف على اني جنيتك .,
حكرت شوقي وسط عنـق الزجاجه .,
واهلكتني ضـامي وانا قد سقيتك .,
بكره ليا هبت عليك العجاجه ..؟
ونسوك خلانك .. لاترجع فديتك .,
هدمت عرشك وانكسر عز تاجه .,
وانا قرصت اذنك وياما نهيتك .,
يذبحني إنك .. شخص على مزاجه ..
ويذبحني إنك .. يوم تطلب عطيتك .,
كنت أحسب إنك للمضيع سراجه .,
وأثرك ليل .. ليـتني ماسـريتك ...
الى طلبتك من غلاك .. انتواجه ؟
سقت العذر .. وتروح ماعـآد ريتك .,
كآنك تحسب إني احبك لحاجـه .. ؟
إنسى المحبـه .. واعتبرني نسيتـك


الساعة الآن 09:33 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق