الله يقطع صحبت(ن) مالها ساس.!!
 

:cool:كان الذكا .. في منهجك تخدع الناس
يـومــك تـفـاخـر بـالـخــداع وتـبـاهــا

الله يـقـطـع صـحـبـةٍ مـالـهـا ســـاس
صحبـة مصالـح لأجـل حـاجـه بنـاهـا

كيف المبادي يا أهل العـرف تنـداس
صــارت تـوجـهـا المـصـالـح وراهـــا

مـاعـاد للصحـبـه مشـاريـه وقـيــاس
عـنـد الــذي هـانـت عـلـيـه ونـسـاهـا

كرهـت صحبتهـم مثـل دم الأضـراس
وعـلاقـتـي مـعـهـم نـــزل مـسـتـواهـا

في حالهم صاروا مثـل طابـخ الفـاس
اللـي تظـاهـر بالـذكـا .. مــن غبـاهـا

افكـارهـم عـنــد المـهـمـات تـحـتـاس
مـــع قـلــة الافـعــال كـثــرة حـكـاهــا

اتعب على اللي صحبته ترفع الراس
دنيـا وديـن .. وعــز نفـسـه رضـاهـا

يذهـلـك الالـبــاب يـحـبـس الانـفــاس
نفسـه رفعـهـا ماخـضـع فــي هـواهـا

تـرى المواقـف فالمواجيـب نـومـاس
مـواقــفٍ يـفــرح بـهــا مـــن لـقـاهــا

انــا بلـيـت بقـلـب طـيــب وحـســاس
فـي وقـت طيـب اقلوبنـا هــي عنـاهـا

بعض البشر لامن غلـط قلـت لابـاس
يشـفـع لـهـا عـنــد الخـطـايـا غـلاهــا

اصحابنا اللي بالوفا .. مالها اجناس
نغفـر لهـا الـزلـه .. ونـدمـح خطـاهـا

مانـي علـى هفـوات الأجــواد بــلاس
نـذكـر محاسنـهـا .. وننـسـى رداهــا

بقلوبنـا تسـوى الجواهـر والألـمـاس
نــرفــع مكـانـتـهـا ونـشـكــر وفــاهــا

افعـالـهـم تـبـقـى مـفـاخـر ونـبــراس
الله لـحـسـنــات الامـــــور ايـهــداهــا

ومن خلقة الدنيا ترى الناس للنـاس
والـكـل بالله فـــي مـسـاعـي رجـاهــا

بنوته شقة

صح لسانك

يعطيك العافية على هذه القصيدة الرائعه

تسلمي على الابيات الحلوة يا شقية
كان الذكا .. في منهجك تخدع الناس يـومــك تـفـاخـر بـالـخــداع وتـبـاهــا

نزف المشاعر، رهين الشوق، آبو فيصل أسير الشوق


يشرفني مروركم

رهين الشوق الله يخليك ياذوق:)