|
اكتب اسم شاعر واللي بعدك يجيب له أبيات على ذوقه
السلآم عليكم موضوع أعجبني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وأكيد وآضح لكم من العنوآن أكتب أسم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] والي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] له أبيات إن شاء الله وآضحه لكم فكرة الموضوع [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وأشوف تفآعلكم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ببدأ أنآ وأختار الشآعر خالد الفيصل [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: اكتب اسم شاعر واللي بعدك يجيب له أبيات على ذوقه
يموت الشجر واقف وظل الشجـر مامـات رياح الدهر تصرخ وهـي تجـرح جنوبـه لك الله شجر للمـوت ماترخـي الهامـات بقت وقفتك يارافـع الـراس مهيوبـه عوافي همسه واعجبتني الفكره الشاعر حامد زيد |
رد: اكتب اسم شاعر واللي بعدك يجيب له أبيات على ذوقه
همسة حب
موضوع رائع يعطيك العافيه وهاذي أبيات للشاعر حامد زيد جابك الله من غياب ٍ ضيّق صدور المباني قبل لا الوحشه تزعزع بيتك الصلب وتبيده بيتك اللي من رحلت وكل جدرانه تعاني ماتحمل ينتظر شهرين وعيونك بعيده الله العالم لو إنك جيت متأخر ثواني ماتشوف إلا بقايا من حصاه ومن حديده التالي... (الشاعر إياد المريسي) |
رد: اكتب اسم شاعر واللي بعدك يجيب له أبيات على ذوقه
اشكرك على فكرتك وهذي ابيات على طلب اللي قبلي للشاعر اياد المريسي أشتقت لك والله العظيم لم أعد أعلم ما قصة الغياب معي ؟! ممكن سؤال ؟!! . . . . . . . . . . . . شخباره الجرح القديم ؟!! للحين يسأل وين أنا ؟! للحين يسأل كيف أنا؟! ودي افضفض لك واقول : اشتقت لك اشتقت لك والله العظيم اشتقت اسولف لك كثير شلّي يصير ... وما يصير ..بغيبتك واتذكر اشسوى المصير !! وآحس بالوحده جحيم اشتقت لك اشتقت لك والله العظيم تدري حبيبي وين انا ؟!! بنفس المكان .. اللي جلسنا به زمان .. بيدي حنين وصورتك وآخر بقايا ضحكتك واسرح واهيم اشتقت لك .. اشتقت لك والله العظيم وجهي (ت ب ع ث ر ) لك غياب لو تدري وش طعم العذاب ببكي واقول: شخباره الجرح القديم ؟! اشتقت لك اشتقت لك والله العظيم اللي بعدي الشاعر احمد الصانع |
رد: اكتب اسم شاعر واللي بعدك يجيب له أبيات على ذوقه
ياللي [ خَذاكْ ] الغير من سِبَّة ظروف
من جَنبي البَارح مَعَ [ ماخذَكْ ] طِفت لا تَحسِب إنِّك يُوم مرِّيت .. مااا أشوف سوِّيت نَفسي , مِن القَهَر كِنِّي ما شِفت المَسألهــ : ما هي تغلِّي ولا خُوف لولا غَلاتِك ؟ كَـان تلقاني مَا خفت ! الشاعر ياسر التوجري |
رد: اكتب اسم شاعر واللي بعدك يجيب له أبيات على ذوقه
همسه موضوع في قمه الروعه دمتي بهذا الطاء الدائم سيتم تثبيت الموضوع لاتحرمينا جديد يـــاذكــــريــــات الألـــــــــــم لـــلــــيــــل مـــــوعــــــد مـــــنــــــامإلــيــا مــتــى خــاطــرك يـجـبــر وقـلــبــي كـســيــر غنـيـت مــن جـاوبـت ورقـــاي طـيــر الـظــلامطيـرٍ ربـى فـي قفـص صـدري وعـيـا يطـيـر حــلـــمـــي تــســـاقـــط ولـــكـــنـــه تـــســـاقـــط غــــمـــــاملين ازهـر القـاع ورد احمـر وغنـى العبيـر حـبـيـبــتــي والـــهــــواء يـــشــــره وصــــــــدك مــــــــلاموالــعــشــق جـــمـــره وآهــــــات الـــولـــه زمــهــريــر إلـــيــــا مـــتــــى والـــشــــوارع تـسـتـضــيــف الــيــتـــامواطــيــافــك الـــفـــي وانـــتـــي لـلـيـتــامــى هــجــيـــر مـابـيـن ظـلـمـك وظــلــم الــنــاس لــــي بـالـكــلاماخترت ظلمك وابصبر والصبر فيه خير تـسـتـاهــلــيــن الــمــســافـــه والـــصـــبـــر والــــغـــــرامومــــن كـــــل شـــــيٍ حــلـــو تسـتـاهـلـيـن الـكـثـيــر خذيـت منـك السـهـر خــوذي جــروح الهـيـاموإلا عـطــيــنــي عـــلــــى الأقـــــــل قـــلــــبٍ كــبــيـــر الشاعر رشيد الزلامي |
رد: اكتب اسم شاعر واللي بعدك يجيب له أبيات على ذوقه
الله يعافيكم سعيده لتواجدكم
وهذي القصيده لـ رشيد الزلامي الله من صبر(ن) هبت وشبت يانجد حبّك هو شرابي وزادي الشاعر عبد الرحمن بن مساعد |
رد: اكتب اسم شاعر واللي بعدك يجيب له أبيات على ذوقه
هذي قصيده للشاعرالمبدع الاميرعبدالرحمن بن مساعد
اسأل الأعمى .. ان كان في نومه يشوف ليه يصحى ؟! واسأل اللي ما درت عنه الهموم اللي درى ان العمر محدود وان الفرح مهما اختفى .. موجود اسأله ليه ينوم ؟ وان جاوبوك اسألني ليه حنا افترقنا يا صاحبي مابه سبب لفراقنا غير اننا جينا بزمن ماهو زمنا ياصاحبي مابه سبب لفراقنا غير اننا في حبنا عشنا الصدق وفي وقتنا وشهو الصدق في وقتنا لجل اللقاء تكذب ولجل تاصل ماتبي تكذب ياصاحبي خذها من جرحي نصيحه كانك تبي تاصل ؟ اكذب .. اكذب .. اكذب الصدق في وقتنا اصبح فضيحه في وقتنا دايم تهيم في شي ماتعرف مداه دايم تهيم فلي بعد عن سكتك واللي زهد في محبتك واللي فـ يدك ومتحمل جروحك معك ما يهمك تنساه ولو تقتله ما يألمك وبقدامك تاطاء على دماه يا صاحبي وقتنا في اوله ضيعنا أولى القبلتين وفي آخرة الله اعلم وش بيبقى في وقتنا صار الغدر شيٍ عظيم والوفاء ماظنتي ان كان بتدور بتلقى يا صاحبي في وقتنا أطول مسافة ممكنه تمشيها بين النقطتين الخط المستقيم يا صاحبي في وقتنا وقت الألم من يسمعك مهما حكيت من ينصفك مهما شكيت منهو اللي ما يضحك إذا ذلتك دنياك وبكيت يا صاحبي في وقتنا ما للمشاعر ناس يا صاحبي في وقتنا لبعض القلوب إحساس يا صاحبي في وقتنا وقت الكلام وقل الفعل لامات احد وانتقل لعلى رفيق من طيبنا نحزن عليه نصلي عليه ناصل معه للمقبرة وفي المقبرة غير الدعاء وقولت الله يرحمه مابه كلام وندفنه .. ولا دفناه نبكي بدون دموع أو بدموع المهم بعد ما نبكي نتركه ونروح وتلقانا نقول مسكين يا فلان مسكين من دنيتك وش اللي خذيت ؟ وبعد باب المقبرة بشبرين واقل من الدقيقة لامن دخل فينا الزحام من طيبنا نضحك ونسمع أغنية لجل نتسلى في الطريق بين المقبرة والبيت يا ربي سبحانك ياللي تجير من العذاب قلوبنا وش صابها ؟ في وقت غدا بين الحياة والموت وبين البكاء والضحك شبرين ودقيقه وباب ويدننا اللي قد حثت في وجه ميتنا التراب هي نفسها اللى بعد شبرين واقل من الدقيقة اختارت شريط وحطته لجل تقتل طول المسافة بين المقبرة والبيت يا صاحبي في وقتنا احسن كثير من بعضنا في المقبره على الاقل ميت وندري المشكلة متنا وإلىالحين ماندري يا صاحبي في وقتنا ضاع احترام الموت في وقتنا حكينا ما أكثره وللأسف كل الحكي من غير صوت وان كان به فمٍ صدق واسمحوا يحكي بصوت ما نسمعه ياصاحبي قدامنا كان اختيارين يا نجاري وقتنا ونكذب ونخدع نفسنا يا نفترق لان الفراق في وقتنا هو الصدق افترقنا يا صاحبي كانك تشك في أسباب الفراق دور لك اعمى وإذا صحى اسأله ان كان في نومه يشوف ليه صحي وليه افترقنا ؟؟؟؟؟ بدناابيات للشاعر........محمدبن الذيب |
رد: اكتب اسم شاعر واللي بعدك يجيب له أبيات على ذوقه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] همسه كمـآ عودتينــآ رمز للـآبدـآع لي عوده للمشـآركه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: اكتب اسم شاعر واللي بعدك يجيب له أبيات على ذوقه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] الصدر ضايق وصبري يا حسن طوّل ** ودي أغادر ولو في وسـط غواصـه بيت لـ عبد ـآلرحمن ـآلشمري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: اكتب اسم شاعر واللي بعدك يجيب له أبيات على ذوقه
شاميه اتصلت غلطانه قالتلي مرحب غسان
...................قلتلهايااهلاوسهلامحسوبك عبدالرحمن اممممممممممممممممممم بيت للشاعرمطلق النومسي |
رد: اكتب اسم شاعر واللي بعدك يجيب له أبيات على ذوقه
يا آخــر غــلا .. ويــن الغـــــــلا الأولـي ويـــن
..................أحــــس بـــك مــوجـــة فتــور .. وهـــــداوة ما كنــت هـادي .. كنــــت نــــار وبراكيــــــــن .................. وكنـــت لـ غلاي أشــــد وأكثــــر .. صفــاوة كنت تحضنــي لا تضايقـت .. من شــِـــــــــــين .................. وكنـــت تــّــقبــل .. ضيقتــــي .. بالحفــــاوة وش غيــّـرك .. يا بعــد عينــيّ .. هالعيـــــــــن ......... ......... وأنت تعــرفني زيــــن ... ليش الجفـــــــاوة ؟ وأنت تعرفني زين .. وأنـــا أعــرفــك زيــن ؟؟ .................. ليش تــّــغابا .. وأنــت ما بـــك غبـــــــــاوة أدري بـ خطـاي .. ولا يبي منــــك تبييـــــــــن .................. بس الظروف .. من الخطأ .. أكثر قســـاوة وشلون تقــسى .. وأنت ساســك .. من الليــن .................. وأنت الخليـــط .. إمنالنــــدى والنــــــداوة شفنـي وصلتــك .. جـرح .. بحســاب جرحيــن .................. داوه .., عســاني ما خــلا منــــك .... داوه و ارجع مثــل .. ما كنــت .. يا شجــرة التيــن .................. وأعــط الغصــون اليابســـــات .. الطـراوة أبيــــك .. تلعــــب لعبــتك .. بالشرايــيـــــــــن .................. لعبــــــــة عبــث .. فيها تصنــّــع عــــداوة أبي العيـــــارة منـــــك .. وحــدة وثنتيــــــن .................. وأبي كلمـــات الدلــــــع والشقـــــــــــــاوة اللي تــرددهـــن .. على كـــل يــوميـــــــــــــن ......... ......... يـــوم أتراهــى بــك .. ولا بك رهـــــــــاوة الــ لــيـش .. وبكيفــي .. ومقدر .. وبعــديـــن .................. مــرّات .. لكن منـــك فيهــــنحـــــــــلاوة الـ ( ليــــش ) .. لامني سألتــــك سؤاليـــــــــن .................. ولا كـان عنــدك للإجــــــــابة .. فضـــــاوة و ( كيفــي ) .. ليـا ردّيت .. ليــشك بــ ليشيــن .................. تقولــها زعــلان .. تبغــي الرضــــــــــاوة و( مــقدر ) .. ليا من قلت لك .. يوم الاثنيــــن .................. يومِِ مسمــّــى .. يجمــع أهــل السمــــــاوة و( بعــدين ).. لا من ذبــت بين .. الشفاتيـــن .................. ولعــانتك .. تدفـــــــع خجلــك .. بـ جــراوة هذي كلمـــاتك مـــن الحيـــــن .. للحيـــــــن .................. وهذا دلعــك .. اللي يـزيدك .. حــــــــــلاوة ارجع فــديتك .. مثل ما كنــت .. هالحيـــــن .................. والله تعــبت .. مـن الجفــا .. والقســـــاوة الشاعر سالم سياري |
رد: اكتب اسم شاعر واللي بعدك يجيب له أبيات على ذوقه
الليل هم وحزمة جروح وأوراق وأنا أتناثر ب آخر الليل وأبقى ما غير أولع كل تناهيد الأشواق واللي بقى من الشوق دمعات حرقى ما أقول ضاق الصدر لكن إذا ضاق تنكسر ضلوعي على الروح وأشقى وحدي وعيوني تمتلي وجيه وفراق كان البكا فرقى ورى دموع فرقى يا طيب! تاخذني على الناس بعناق والحين أنا وياك والحزن نبقى معقول ما مروا على بحر الأحداق ولا شافوا دموعي من الشوق غرقى! هذا انا من الليل واقف ومشتاق وهذي كفوفي من الوله دوم عرقى من ليل وإشراق الى ليل وإشراق وارجع..أعيد حكاية الليل وأرقى وأرقى انتظر بالليل نجمي إذا فاق وأصاحبه حتى السما تصير زرقا وأبقى وحيد ولا معي غير الأوراق اكتب جروحي وسط الأوراق وأبقى ابي لـ الشاعر / حامد زيد |
رد: اكتب اسم شاعر واللي بعدك يجيب له أبيات على ذوقه
هذي لعيون حبيبتي جازي
عافت الشمس المدينة وأعلنت وقت الزوال رغبةٍ للنوم منها مع عيون الناعسين أبعدت من يوم شافت بالسما ضيّ الهلال كنّها كانت تهزّا بالهلال وتستهين كفكفت صبح التلاقي من ورا روس الجبال واستخارتني وراحت وابعدت عن كل عين وانتي أخطيتي خطاها وانعزلتي بالوصال ولا رحلتي من سكات ولا وعدتيني تجين عشت عمري بالمحبة في سبيل الاحتمال وانتي تعيشين عمرك تفرحين وتجرحين من غرورك في جمالك ما عطيتيني مجال وأدري إنك تفهميني لو بغيتي تفهمين ابيات للشاعرحمدالسعيد |
رد: اكتب اسم شاعر واللي بعدك يجيب له أبيات على ذوقه
واحاول اراضيك مادري مــنين ابديلك
وأحــتار واذكــرك في بـــعض زلاتك واسمـــعك ماكـــتبــته بك واغنـــيلك طاروقــــك اللي تحبة واكــسر سكاتك واستسمحك واعذرك واسمعك واشكيلك واتلهـــف لبســمتــك وارد ضحكاتـــك يسرقني الوقت ولا يــمديني احكــيلك كــلامـــي اللي تحفـــظتة لـــشوفاتــك وقت الوعـــد فــات وعيوني تراعيلك واقفــيت واشــغلت قــلبي بـــلتفاتاتك عيني على خطوتك والقــلب يدعيلــك الله يحفــظك من الحاســد وشــماتك تزعل واراضــــيك واتلذذ بـــتزعيلك تبي الصراحه انا اعشق كل حـــالاتك ..أبيات للشاعر فهد المساعد.. |
رد: اكتب اسم شاعر واللي بعدك يجيب له أبيات على ذوقه
صـعـب لامـنـك فشلت وصعب لامنك لقيت
ان من يكره نجاحـك يدري انك ما نـجحت امس ضقت ورحت اقلب ذكريــاتي وانتهيت عند صورة طفل صوتة مثل صوتي لانجرحت وش مـثـل لا والله الا هـذا انا يوم ابتديت انطق حـروف تلعثم في لساني لا انمدحـت هذا انا يـوم الحيـاة فـنظـري عشرين بيت ومسجدين ومدرسةمن طين كم فيها استضحت هـذا انا اصبحـت اتمتم هذا انا حتى بـغيت اختنق بس القدر عيـا على موتـي وطـحـت وصاح صوت الطفل فيني انت من وين رتميت قلت ... انا المستقبـل اللـي فيه كم همت وطمحت امـس كنت ابيـك تكبر بس والله لو دريـت اني اللي عـشـت لجلة مـت عندك واسترحـت لـو دريـت ان الزمان يجر رجلي ما عديت ولـو دريـت ان البحـور بلا موانـئ ما سبحت كـان دربك لي طويل وكل ما شفتك هويـت قلـت لـك كـبـوة جـواد وما كبيت الا وجمحت لـيـه تسمعني وتمشي ... آه ليتك ما مشيـت و آه ... لـيـتـك من كـثـر عثراة الايــام انتصحت ضـاعت احلامي وضل الحزن فيني واهتديت للـطـريـق الـلـي يـوديـني على دمعي ورحت يـا الحـزن ليتك مثل دمعي وتنزل لا رقيت بـس اعـرفـك لـو مسحت الدمع تبقى مانمسحت كـان حلمي في وجـود انسان يبكي لا بكيت وصـار حـلـمـي في وجود انسان يفرح لافرحت كنت اشوف الناس مثلي كل ما جعت وضميت مـا دريـت ان الاوادم نـاس فـوق ونـاس تحت اه يا اول ذكرياتي خـذنـي بحضنك نسيـت لأسـئـلك عـن وجـه ابـوي الي معة ياما سرحت خـذنـي بحضنك أبغفى ... يـاااه مبطي ماغفيت وان لـمـحـت دمـوع عيني سـو نفسك ما لمحت خذني بحضنك وبعثر في جروحي وان قضيت هـز لـي كـتـفـي وقـلي ... عيب تبكي لو سمحت اضحك وعلم زماني مـن انا ومن وين جيت طـق بـاب الـحـزن واصـرخ فـيّ لامنّي فتحت وضمني يـمـك وكمل ضحكتك لامن بكيـت ودي اذكـر كـيـف كـانـت ضحكتي لامـن فرحت الشاعر بدر بن عبد المحسن |
رد: اكتب اسم شاعر واللي بعدك يجيب له أبيات على ذوقه
مشكورة عل ابدااااااااع منورة بطللتك يارائع
|
رد: اكتب اسم شاعر واللي بعدك يجيب له أبيات على ذوقه
لا بوك يالعين بدموعك فضحتيني
تبكين عند العرب والناس نقاده تبكين يالعين لاهم ولاضيمي لا بوك ياعين خلت البكاء عاده والله والله لوما لحال تكفيني أن تقول الناس ماتستاهل زياده العين تبكي ع فراق المحبيني ياعل قلب يشتكي يلحق مراده أهداء لاغلى أخت بالدنيا>> شوق ــــــــــــــــــــــــــــــــــــــــــــــــــ ـــــــــــــــــــــــــــــ لاتحسبني بقرقاك باموت لاوالله أني من لحظه فراقك حييت ــــــــــــــــــــــــــــــــــــــــــــــــــ ــــــــــــــــــ جزاء الله الشدائد ألف خير آ عرفت فيها عدوي من صديقي ــ ــــــــــــــــــــــــــــــــــــــــــــــــــ ــــــــــــــ عذبتني الذكرى فيك و قلت في نفسي اجيك و انت تعرف ان قلبي يعشقك و يموت فيك و اظن سؤالك ليش جيت ما قدرت اقول ابيك و قلت لك مريت اسلم و يالله ما اطول عليك قلبي غيوور |
رد: اكتب اسم شاعر واللي بعدك يجيب له أبيات على ذوقه
دام ما احد طلب
انا بطلب للشاعر / محمد جار الله السهلي |
رد: اكتب اسم شاعر واللي بعدك يجيب له أبيات على ذوقه
هذي قصيده للشاعر محمد جار الله السهلي لاصرت بايعني اشوفك على خير ...مع السلامه دام مابه سلامه قلت انتهينه قلتلك خير يا طير .... ماني اول شخص يخسر غرامه امحذرك من قبلها الف تحذير ....لعفتني بيعف قلبي هيامه ماني بميت لا ولا احتاج تبرير....صح الله لسانك ووفر كلامه بسمعك حبكه وفكره وتصوري...وافهم عدل يامدعي بالفهامه وجه الشعر ابيض ويحتاج تبرير ...ودي تزينها القصيده علامه ماضيك الاسود بذكره دون تقصير...كذا يكون بخده الشعر شامه يصدق معي تعبير ويخون تعبير...ياضيعت الشاعر بوقت انسجامه يمكن خطى دونك بالشعر مير....لو ماحترمتك للغرام احترامه ماكان حبك غير بس طعنتك غير...علمتني معنى الندم والندامه ماجاك مني اي زله وتقصير ....كل ما خطيت اعاتبك ببتسامه حسبي على الذكره اذا هبت عصير ....ماعاد تنفع شرهتي والملامه البال ظامي وقتها والحزن بير...خسرتك وهمي كسبت اهتمامه ولين فازعلك كذا جاني مغير....ظلمتي واكثر طلمني ظلامه لقبل علي اوحيت صوت المسايير....وفزيت كل ظيف يقوم بمقامه وليا عزم هالليل ضيقه وتفكير...قلي بربك كيف اقدر انمه مافي داعي للعتب والمعاذير...الغدر خان الجرح واطيب عمامه اما يجيب الله مطر تالي وخير ..ولا السلامه ماشي مامن سلامه وسلامتكم.... أممم ألي بعد على ذووقة بشااعر ماابحدد أحد معين موضوع يستااهل التثبيت تستااهلين بعد تقيمي مودتي |
رد: اكتب اسم شاعر واللي بعدك يجيب له أبيات على ذوقه
اممممممممم سعد علوش
حزن النبلاء الجرح ماهو خاطـر شـوي ويـروق الجـرح حتـى لـو تشافـى يعلـلـك واذاك متحمـس متاهـات وطــروق انـا تعبـت اشـد حيلـي واحـاولـك سماي ما شيّ شمس ورعود وبـروق والريـح ماهبـت ولايجـري الفـلـك والقلب ناشف بحر وشقوقـه شقـوق وشلـون بيكـوّن سحـاب ويبلـلـك يا ضامي انا الضما ومتشبـع حـروق واذاك ضامي للمواصـل .. انـا هلـك هلك ووقف في وجهي الاصل والـذوق والمجتمـع والعـرف والفقـر واهلـك متعومـس وحـزن النبـلاء مرمـوق يعني لو احتاج الـك ماجيتـك اسألـك اللي علـي اشكـي واعاتبـك برفـوق واقـولـك ودي مـاعـاد اتـأمـلـك مـن دورة الايـام ياخـوك مخـنـوق الوقت مشانـي مـن السلـك للسلـك ازل خطوه .. بـس مـا ازل منطـوق ولو صارت ابحـب خشمـك واجاملـك يبقـى البنـي ادم مجـرد ومخـلـوق ملك .. ولكن في الحقيقـه بـلا ملـك كذاب.. قايـل كـل مطـرود ملحـوق سنيييين وانا اطردك وازريت لا اوصلك كنك تطيـش وكنـي ادور فـي طـوق كل ما وصلت اخـرك يطلعلـي اولـك ليت مافي خاطـري شـوق وحـروق ماكان حسيت ان انا بـس مـن كلـك الشوق ماهو رعشه وقبضـة عـروق وماهو اللي من شينك فعينـك يجملـك وماهو شعور ياخالق الـروح برفـوق وماهو سحر ولا ادري والله شقول الك انا سحابـة حلـم وتطيـر بـك فـوق وتطـيـر ولا ودك انـهـا تنـزلـك الشوق هذا .. والا انا شوقـي البـوق ماقد حصل في شوق هـذي ولا تلـك تدري وش اسوي ليا اضناني الشوق؟؟ اسـوي بعيونـي كــذا واتخيـلـك واقربـك واتـوق واتـوق واتــوق واكثـرك واحلـف مـاعـاد اقلـلـك واصورك في الموق وتكبر على الموق وتطيـح مـع دمعـي علـى ايــدي هذا غلاي اللـي مـع الـدم مدقـوق ولا عاد تسأل عن شعـوري وازعلـك محبة ماهيـب مـن طـارف السـوق لو انـك توكـل.. كـان والله لاكلـك جيتك حقوق ورحت ماعنـدي حقـوق وان قلت ما احبـك ابجحـد مواصلـك احبك .. الا يا بـري حالـي وعـوق من كثر ما احبك اخـاف انـي اقتلـك </b></i> ويعطيك همسه الف عافيه على هيكـ طرح |
رد: اكتب اسم شاعر واللي بعدك يجيب له أبيات على ذوقه
دام محد كتب اسم الشاعر
عطوني اي شي لـ أسير الشوق (الامير نواف بن فيصل بن فهد ) |
رد: اكتب اسم شاعر واللي بعدك يجيب له أبيات على ذوقه
يابوي شبلك من تركته كن راسه شاب... تقاطعت فيه الدروب وقلّوا أصحابه
هاذا مما أحفظ لأسير الشوق اللي بعدي محمد بن فطيس |
رد: اكتب اسم شاعر واللي بعدك يجيب له أبيات على ذوقه
يسلموو نووره
ابشري بعزك ،؛، .. يا قو قلبك .. ،؛، ياقو قلبك على الصّده ويا صُبرك وياوسع صدري على صدك ويا صُبري وياطول عمرك بذاكرتي وياكُبرك وياشيب عيني بشيّب عاد ذا كُبري والله لون حمل صبري فوقك..ان تبرك والله ولو تعتذر منت بعلى خبري ان ما جبرك الغلا ما اقدر على جبرك ياللي على ارض الوفا ما شبرك بشبري تزعل وترجع وتلقاني على خبرك وانا انكسر لك واجيك ادوّر لجبري طيفك وذكراك طيلة غيبتك سبرك وشوقي لشوفتك طيلة غيبتك سبري امحق وليف ومحبه والا اقول ابرك حسبي عليك اعشقك وانت اتحفر قبري للي بعدي لآهنت عطني لـ فهد المساعد |
رد: اكتب اسم شاعر واللي بعدك يجيب له أبيات على ذوقه
يسلمك رهين
دام عزّك لله درّك يافهد المساعد وهاذي أبياته يا رفيف الماء .. وفجر العيد .. وأحزان المواني يا أكثر أهل الأرض طيبة قلب .. وأسرار دفينه المكان اللي هنا .. مليان ضحكات ، وأغاني والكلام اللي بغيت أقول .. يحتاج ل سكينه ! أنسي الشارع ، وعتمات الزوايا ، والمباني هاتي يدينك نلف الغيم و نشكل مدينه !! عندي الليلة كلام و صمت .. وأخاف الثواني تظلمه .. أو تظلم اللي فيه كم ضاعت سنينه شي واحد قبل ما أبدأ .. ما أبي أي شي ثاني يخطر ف بالك .. وأنا أكشف لك شعور تجهلينه ! إن أنا .. وبكل ما تحمله " أحبك " من معاني كنت ، وراح أبقى أحبك .. لين .. مدري وش هو لينه !! بس والله ماقدرت أنسى .. ولا همي نساني لا ذكرت إنسان .. فيه أسرار مابينك وبينه كل ما تطري علي فكرة هواك الأولاني أشعر إني أنطعن مليون مره من يدينه! اللي بعدي أبيات لـ مساعدالرشيدي |
رد: اكتب اسم شاعر واللي بعدك يجيب له أبيات على ذوقه
هذا بيت يتيم لـ سيف وزعيم الشعر مساعدالرشيدي
كان الرجآ في شوفتك يوم فرقاك الله يجيب موادعك لـ أجل اشوفك ::::::::::::::::::::: طيب للي بعدي عطوني ابيات لـ جزاء البقمي والله ما شفته بحياتي الا مره وحده هو و فيصل الرياحي رحمة الله عليه لكن ابياتهم تجنن اترك الحيار للي بعدي يا يجيب لـ جزاؤ البقمي أو فيصل الرياحي |
رد: اكتب اسم شاعر واللي بعدك يجيب له أبيات على ذوقه
ياسر التويجري.....
بصراحة أسمع له لكن ماأحفظ له... |
رد: اكتب اسم شاعر واللي بعدك يجيب له أبيات على ذوقه
هاذي قصيده للشاعر فيصل الرياحي رحمه الله
طلت من النافذه وأشرق محياها ----------- مع طلعة الشمس طلت شمس خلاني شمس السما كيف شمس الأرض تنساها --------- ----- تلاقت أنوارهم يوم الله اشقاني الأوله من بروج الشرق مبداها ----------- والثانية قابلت فالمشرق الثاني والله لو الشمس تدري ما تحداها --------- مصدر شعاع الجمال وبنت شجعاني في سيرة العشق طاريها.. وذكراها -------- وفي سيرة المجد جد.. وسيف.. وحصاني محلى صباحٍ يقربها.. ومحلاها ------------ لو شوفها حرك الوجدان وأضماني في لحظة تنكسر كبدي على ماها ---------- ياليت برق الحيا اللي شفته أسقاني مجنونة الحب.. والمجنون يهواها -------------- وليا نصحته يبادرني بعصياني أحلى جميع الدرر فالكون وأغلاها -------------- خلتني أجاذب الونات حيراني وأعزف لها القاف وأنا من ضحاياها -----وأشره على الشعر.. والمعنى.. والألحاني عامين والقلب متعلق برجواها ------------ يصلاني القيض والوسم يتعداني أهيم وأتبع هواجيسي ومسراها ------- في ليل همي.. وحسراتي.. وحرماني حطيتها وسط قلبي رغم فرقاها ------- وصارت على البعد تامرني وتنهاني واليوم مدري بختها وين وداها ---------- ولاهيب تدري نصيبي وين داني مكتوب يمضي عليها كل ماجاها ------------- ومكتوب عليه كل ماجاني وهاذي قصيده لياسر التويجري أستريحي كنك المفروض في ليلـة عريـس وأستغلّّي مـدة الديـان فـي وقـت الفلَـس لاتعيديـن الخطايـا لاتحمـيّـن الوطـيـس وأنتِ أدرى في طلوعك قبل دقـات الجـرس ماابيك بدور ليلى لو عشقتـك عشـق قيـس بس خلينـي أشوفـك ليـن ماآخـذ نفـس أفرجي عنـي بعطفـك لا تخلينـي حبيـس وأحبسيني وسط قلبك وأسطري عندي حرس مابذلت أغلى اجتهادي .. كل جهدي بالنفيس وماغرست الشوق فيني أنتِ اول من غـرس ماعشقتك من غرور وعارفٍ درب الحويـس الرجل لا رز خشمه غمض العيـن وعطـس ماعشقتك عشق فارس يهتوي مهرة عويـس عاشقك خيلٍ اصيل يموت في ذيـك الفـرس خلي العذال تـدرع مـن قهرهـا بالحميـس وأتركيهم خلف ظهـرك وأستهلـي بالدبـس وإن حسبتي لي حساب وعدت للمنصب رئيس بأخبرك بأني عشقتك بس مـن زود الونـس قاهرتني في جراءة عين وطلـوع الخميـس لين سويت التحدي بين عشقك .. والطفـس اللي بعدي أبيات للشاعر إياد المريسي |
رد: اكتب اسم شاعر واللي بعدك يجيب له أبيات على ذوقه
وهذي أبيات للشاعر إياد المريسي البحريني
الوقت ما يعرف حبيبي ولا جاه والناس ما تدري عن الصدر وش فيه ؟! أكذب واقول اني معزم ابنساه واكذب على نفسي اذا قلت :ما بيه والاه فيني خاوت الاه والاه ليمن تعمد عاذل القلب يطريه واتذكّره واذكر يساري بيمناه وانا مغمض عين قلبي على ايديه قلت اتصل ؟!! لا ما اتصل؟!!باترياه واسرح الين اصحى بضحكة غناويه من غير ما اشعر كيف؟! وشلون؟!..ابداه الوووه!!/ساكت!!/كن ما ني احاكيه!! الووووووه !!!/ما بي غيرها ...واتفداها رغم اني ما ني مزعله قمت اراضيه!! دوم آتسائل ليه يسكت وانا معاه ؟! أثره يبيني انتبه لجل اناديه من شان يسمع قلب تشهق خلاياه لي قلت(.....) وجاني الرد : لبيه واتعمد (ا ت ب ع ث ر) اذا كنت وياه وما هو مقصر جلعني فدو كفّيه ادري ويدري كم احبه واهواه واشتاق له حتى وانا بين ضلعيه ويتعمد الحيره وانادي يرد: هاااااه وان عزّم ابيذبح يجي يقول لي ..ليه ؟! ساعات أتسائل انا!! ليه؟!!/انا!!يااااه اقسم بربي ارتبك لي همس ...هيه!! لبيه كلي ..كل ما زم لي اشفاه ولبيه ماهي مثل ما يقول ..(لبيه)!! تشلع (ع ر و ق) القلب والله والله لين النفس ما عاد يا ناس يمديه وتضج في صدرى من الشوق ويلاه واصرخ انا والقلب بالصوت ..(نغليه) يالبني كلي بضحكة ثناياه يومه تلفت شاف ماني حواليه يصب في فناجن أذني حكاياه وتعرق اصابعي لوعتي لي نطق :(جيه) حتى لو انه ساكت اسمع حزاياه وما عاد يبقى في لسانى سوى :(ايه) يعرف طريقه وسط صدري وممشاه تتغنج ابممشى عروقي خطاويه الغيد بعيوني غدن جملة اشباه والحسن/والفتّان ....اول اساميه مو قلت انا اكذب اذا قلت ابنساه واللي خلقني ما اتركه او اخليه طيب للي بعدي ابيات للشاعر سالم سيار |
رد: اكتب اسم شاعر واللي بعدك يجيب له أبيات على ذوقه
وهاذي أبيات للرائع سالم سيار
عسى ما ازعلتك البارح وزودت الجراح جراح عسى ما مرت الدمعه على اهدابك من اسبابي جرحتك من كثر شوقي وخليت الكلام رماح ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح تعال وشوف بغيابك غلاك شلون سوابي اللي بعدي أبيات للشاعر المبدع أحمد الصانع |
رد: اكتب اسم شاعر واللي بعدك يجيب له أبيات على ذوقه
ولا يهمك يا نوره اتفضلي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لأنّك ... : لص . سرقت القلب من ( داخل ) ضلوعي , دون ما أدري ! و تزعل لو أقول إنّك – حرامي ؟! ولا تزعل حقيقة إنّك " | حرامي و " نص " أبي لي قلب من عندك . . . عديم إحساس و أبيك . . . الناس . أبي لا نمت في محجر [ عيونك ] تنكتِم أنفـاااااااااس وأبي لا قلت لي : شلونك ؟ : و أنا أشوفك , أقولك .. / أصصصـ .. .. حبيب الروح تعال و – روح لكن ! لا تخليني في " هذي " الأرض , ألملم قلب من شافك ؟ يقول إنّك { هدية حظ } .! أنا ما أبيك في قلبي | معاهم | بغيت ~ الكـــل من حولك . . . في قلبي وحضرتك بـ :: النص .! . طيب للي بعدي لا هنتت ابيات للشاعر نايف صقر |
رد: اكتب اسم شاعر واللي بعدك يجيب له أبيات على ذوقه
زاد فضلك رهين
وهاذي أبيات لنايف صقر المــــــــــــــوت حظ القلم والمجد للدفتر .................... حبر القــــــــــلم غلطتي وايامي اوراقي الخــــــوف يجتاحني وجه الطريق اسمر .................... راح اكثر العمـــــــــر ياخوفي من الباقي ياجـــــــــــــــــرح رافقتني للناس لاتظهر .................... وان عشت في نظرتي ما مت بأعماقي ياصـــــوت لا تلتحف صمتـــي ولا تصـــبر .................... قل ماتبي واترك الهقوه عــــلى الهاقي والخطــــــوه اللي عن اخر سكتي تقصر .................... ماهيب من طبع رجليني ولا ســــــاقي مانيب مـــــــن عـــاش لايربح ولا يخسر .................... ولا هو ضروري تكون افـــعالي اخـــلاقي ثــــــراي ماينشد الغيمه متى تمطــــــر .................... مادامهــــــا في سمــاي تحنّ لأغراقي رح وين ماتشتهي رح قـــــــــــد ماتقدر .................... انا اول الناس في قلبك وانا البـــــــاقي يكفيني انك تعذبني وانا اتفجـــــــــــــر ................... قصايد ينتظرها كل عشــــــــــــــــــــاقي وانا قصيدي يجي مختارني مهجـــــــــر .................... وانبت عشانه نخــل وسنيني الساقـي أبي أبيات للشاعر بدر بن عبد المحسن |
رد: اكتب اسم شاعر واللي بعدك يجيب له أبيات على ذوقه
اول الناس انتي .. وكلهم ..
وآخر اللي عيوني .. تملهم .. لو تحبيني .. هذا يكفيني .. اسكني عيني .. ونامي .. انتي يانوري .. وظلامي .. ياقمرهم .. كلهم .. أعدل الناس .. وازينهم خجل .. واغلى من الناس .. في وقت الزعل .. واجمل اللي حصل لي .. وماحصل .. لو تحبيني .. هذا يكفيني .. مابه احد غيري يابنت.. احبابك سروا.. لاتسأليني تغيروا.. يمكن نسوا او مادروا.. ياحلوتي ضاع الوعد.. وباكر بعد.. مري على دروب الجراح.. وتلقين احد غيري.. بالله لاتبكين عندي.. والى رحتي سوى اللي تبين مالك عزى.. فـ قلبي الحزين محتار انا اسكت.. ومدري ايش اقول لاني سبب جرحك.. ولاعندي الحلول لكن ابوصيك بصبر.. لابد للغايب عذر وياحلوتي ضاع الوعد.. وباكر بعد... مري على دروب الجراح.. وتلقين احد غيري غطي سنا خدك بشال الليل.. وغيبي ياشمس اللي ضيها لغيري.. اه .. لو تعرفي وش كثر انا احبك.. لو كنتي تدري بي ياعيونها السود.. مابه احد موجود.. غيري انا الموعود جرحي.. وتعذيبي.. ياحلوتي ضاع الوعد.. وباكر بعد... مري على دروب الجراح.. وتلقين احد غيري... للبي بعدي ابي لـ عبدالرحمن يوسف |
رد: اكتب اسم شاعر واللي بعدك يجيب له أبيات على ذوقه
يا أهْــلَ ودِّي و الفِـراقُ يَـصُـبُّ في قـلبـي العَـذابْ
يا أهْـلَ ودِّي و الزهورُ تـَئِـنُّ في ثـَوْبِ الهـِضَـــابْ مِـنْ بُعْـدِكـُم دُفِـنـَتْ ملامِـــــحُ بسمتي تحْـتَ التـُّرَابْ و قصائدُ الشعر ِ الجميل ِ قد ارْتـَدَتْ . . ثوبَ اغترابْ اللي بعدي / أبيات لـ عبد الرحمن بن مساعد ،، |
رد: اكتب اسم شاعر واللي بعدك يجيب له أبيات على ذوقه
ما سألتوا صاحب النظـرة الخجولـة كيف يسهرني ولـه وجـهٍ صبـوح كيف يظلمني ولـه طهـر الطفولـة كيف يسكنّـي وهـو دايـم يـروح وكيف أنا ألقى ربيعه فـي فصولـه دام كذبه صـادق وصدقـه مـزوح له صفـاتٍ تـورد العاشـق ذهولـه مستكين و صامـت وكلـه جمـوح أصعب الأشيـاء و أكثرهـا سهولـة أغمض الأشياء و أكثرهـا وضـوح سهل تغرم به وصعـب انـك تنولـه غامض فـطبعه و واضح في الجروح أسعـد بشوفـه ولكـن مـا أطولـه كنّي الوادي وهـو أعلـى السفـوح يبتسم لا منهـم عنّـي حكـوا لـه ولا حكوا لي عنـه أعماقـي تنـوح لي بقلبـه شـي لكـن مـا يقولـه ولـه بقلبـي كـلّ لكنّـي أبــوح كنّه الغيمـة و انـا أرجـي هطولـه مـا نـزل غيثـه ولا برقـه يلـوح ما عرفتـوا ليـه تسهرنـي فعولـه وليه يسكنّـي وهـو دايـم يـروح هو يبينـي بـسّ أطباعـه خجولـه وما يبي أغفى وهو وجهـه صبـوح |
رد: اكتب اسم شاعر واللي بعدك يجيب له أبيات على ذوقه
إلي بعدي أبيات لشاعر الأمير بدر بن عبد المحسن
|
رد: اكتب اسم شاعر واللي بعدك يجيب له أبيات على ذوقه
تفضلي ~>( اوقات )
أوقات ياخذنا الحكي .. وننسى بالحكي أوقات .. واوقات .. يا ليت الكلام سكات .. يجرحنا الحكي .. اسهر .. مع حبيبي .. يا قمر الكلام .. لين يغفى حبيبي .. وجروحي تنام .. ابعد عن حروفي .. وعن المي وخوفي .. وابحر في سفينه .. عن بحر الظلام .. وصلنامدينه .. من عطر وغمام انا وين القى كلام .. ما مر فــ كلام اوقات .. يا ليت الكلام سكات .. يجرحنا الحكي .. بغني لعيونك .. في حزني وفرحي وبكتب عيونك .. قصيده لجرحي واخلي ابتسامك .. دموعك كلامك قمر هالسوالف في ليل السكوت .. ولو الف نجمه في عيني تموت .. في حزني أحبك .. ويأسي أحبك .. شعر لشاعر ناصر الدوسري :) |
رد: اكتب اسم شاعر واللي بعدك يجيب له أبيات على ذوقه
تفضلي طلبك اختي منتهى الرجه
الصبح شعشع وأقبل النور بالنور .... والليل الأسود مايجيب الصراحة ماني بضايق لكن القلب مقهور .... مثلي تساوت ضيقته وإنشراحة آمنت باللي ثبت طويق والطور .... عساهـ يلهمني ثبوت اوفصاحة واضح..وأحب أقابل الناس مسرور .... مخلوق مابين الرضى والسماحة أكتب قصيدي همي إسعاد جمهور .... ماهمني فوضة وصورة وساحة موجٍ تلاطم من ورى سبعة بحور .... حروف شعري للمخاليق راحة يامبتليني بالحكي أسمع الشور .... لاتحسب إنك عايشٍ وسط واحة اللي خلقنا ميز الحق والزور .... الفرق واضح كالسما والبراحة الطب يبغاله من الناس دكتور .... والهندسة تبغى ارتفاع ومساحة ياللي تقول إني من الناس مغرور .... ميز هماج الماء وميز قراحة لامن كبر راسي مع الطيش معذور .... لكن غرور الشخص سبة مطاحة نسعى بهالدنيا نبي الحال مستور .... ونجتهد همه وغمه نجاحة وياصاحبي . ياصاحبي لاتقعد تلف وتدور .... الطير وشهو لو كسرنا جناحة منت بمعي يبن الاجاويد مجبور .... من راح مني سمح الله مراحة اللي بعدي لا هنت أبيات لـ حمد السعيد |
رد: اكتب اسم شاعر واللي بعدك يجيب له أبيات على ذوقه
مدام الأبيات لحمد السعيد حاضرين :)
فـي غيبـتـك جــا مكـانـك واحــد ثـانـي والـحــب مايـنـوخـذ يـاهـيــه بـالـقــوة وان كـان قصـدك عبـث ودك تحـدانـي فابشـر بقـلـب عـلـى الـصـدات يـاقـوه نسـيـت يـومـك بـعـز الـحــب نجـفـانـي أقـفـيـت لاجـابـتـك غـيــرة ولا مـــروّة يـومــك تــلــذذ بتـعـذيـبـي وحـرمـانــي وان جيـت تلقـى حبيبـك منقـلـب جــوه ان كـان جـت زلـة وحـدة مـن لسانـي الـواجـب انــك تطوفـهـا مــن الـخــوّة لكـن علـى راحـتـك والـيـوم صحـانـي اسلـوبـك الـلـي تغـيـر لـلأســف تـــوه تكفي علي هالزعل خلـك علـى شانـي عشان تبطي وأنا ماقلت لك قوّه....... اللي بعدي لاهنت لــ محمد الحويماني ،، |
رد: اكتب اسم شاعر واللي بعدك يجيب له أبيات على ذوقه
وهذا طلبك يانوره
تعالي يالسنين الاوله.. يالمقبله فوتي نعيد أيامنا «طبعا» من آخرها الى أولها علشان اليدين اللي تحرضني على موتي تقدر موقفي لا من رفضت اني أموت لها!! اللي بعدي لــ لشاعر علي عسيري.. |
| الساعة الآن 06:03 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق