منتديات رهين الشوق - الحجر الاسود

في يوم من الايام كنت احمل على ملامح وجهي كل عبارات الحزن واليأس والالم كنت راحل من مواني الى مواني ومبتدي من رحله الى رحله اصعب واصارع عواصف ورياح
وكالمعتاد ذهبت الى جدي لأجلس لديه ولاكن في تلك الحاله لم اتفوه بكلمه وكل من حولي من اعمامي ووالدي واخواني واقاربي لاحظو الحزن على وجهي
فسألني جدي بأسلوب المداعبه محمد اليوم مو على بعضه اشرب مويه وروق كنت بحاله ماني فايق اني اتقبل مزح قلت عن إذنكم
قال جدي: وين ماشربت قهوتك واليوم ماهي عاجبتك
قلت: الا ياجدي قهوتك لازم منها لاكن اليوم متضايق ومالي نفس
قال: اجلس ولا تروح ابغاك تسولف معي >>من باب التخفيف
قلت : يابو سالم ماله داعي اكون بذا الحاله واجلس قافله معي
قال: كم عمرك
قلت : ليش انت اللي مربيني وماتعرف عمري
قال : سألتك وجاوب
قلت : 22 سنه
قال : بس
قلت : ايه بس
قال : باقي شي تتعلمه وتعرف معناه
قلت : ماهو وقت محاضره وأبتسمت
قال : اجلس اسمع هالكلام اللي بيفيدك لاضاق خاطرك
قلت : كلي أذان صاغيه
قال : تعوذ من الشيطان وأذكر الله
قلت : علمتني بها قبل
قال : بذكرك بالاولى على شان تتقبل الجديد
>>تعوذت من الشيطان وذكرت الله
قال : اشرب فنجالك
>> وشربت الفنجال
قال : يابو حميد <<وهو دايم يناديني كذا لانو هو اللي مسميني
قلت : سم
قال : بسأئلك سؤال
قلت : خير
قال : الحجر الاسود تعرفه
قلت : ايوه اعرفه
قال : اول مانزل على الارض وش كان لونه..؟
>>>جاوبت بسرعه اسود ولا احد صبغه مدري
قال : كان لونه ابيض كبياض ثوبك بل اشد من بياضه
قلت : والله >> مستغرب
قال : ايوه تعلم المقصد من قولي ذا لك
قلت : لا لازم تفهمني الحين اقولك متضايق وتقلي الحجر الاسود
قال : ليش صار لونه اسود
قلت : حكمة الله
قال : لا ولا تتسرع
من افعال البشر على الارض من الحسد والكذب وغيرها
ولك معلومه ثانيه
لا تتسرع بالحكم مع اني عارفك هادي ورزين
لاكن اليوم لقيتك متسرع
قلت : يابو سالم
السالفه ماهي سالفه لون ولا تسرع
قال : انا ماذكرت لك الغضب سبب من تغير الحجر كنت ابغاك تستنتجه

فكرت بكلامه مليا وعرفت انو فعلا ما في شي يستاهل أزعل ولا اشيل همه
ولاصار قلبي مثل الحجر الاسود
وما اقصد بالحجر الاسود قداسته بل تغير لونه
اخوكم / صمت المشاعر