منتديات رهين الشوق

منتديات رهين الشوق (http://www.alshoogg.com/vb/index.php)
-   ملتقى شعراء رهين الشوق (http://www.alshoogg.com/vb/forumdisplay.php?f=15)
-   -   حذفت رقمه (http://www.alshoogg.com/vb/showthread.php?t=62936)

عاشقة الدموع 2020-10-27 08:10 AM

حذفت رقمه
 
حذفت رقمه قلت لعلي أنساه
لا صار مشغولٍ ولا هو برايق
ولقيت رقمه داخل القلب بأقصاه
منحوت في قلبي بعدة طرايق
في وسط شرياني وهالفكر يقراه
اعداد ما مرت عليه الدقايق
فكيت أزارير الغلا لأجل طرياه
ثوب الغلا لأجله علي صار ضايق
جردت له احساسي والحب عراه
عقب الخفا ما عاد للكتم طايق
أبديت بالتدريج ما صدري أخفاه
وأثبت له حبي وشرحت بوثايق
نثرت ماء وجهي ودفّقت له ماه
وكشفت له حبي بحق وحقايق
أدمنت حبه رغم هجره وفرقاه
أدمنت أحبه وكن قلبي حرايق
خمر الغرام جنن العقل وأغراه
وجمر الهوى أحرق قلوب العشايق
ما كني الا خايع السيل جافاه
والا صحراء عقب ما هي حدايق
كيف العمل في حالتي ومثل شرواه
لا صارت ظروفي و هالوقت عايق
ما كنه الا روحي و قاسمتها إياه
والا وريد القلب للدم سايق
لا هو تقدم لي ولا اللي ابعد اخطاه
قلبي وروحي في فضائه علايق
مرات أقول هذا عشقي وأنا أهواه
ومرات أقول ماني للعشق طايق
يا كيف بحيا بدون شوفه ولقياه
معذور قلب العشق لا صار ضايق

العقيد 2020-12-02 10:21 PM

رد: حذفت رقمه
 
طرح جميل
عاششقة الدمووع
تسسلم يمينك

الحنون 2020-12-11 08:42 AM

رد: حذفت رقمه
 
تسلم يمينك

ودام عطاءك العذب

باقة ورد ....


الساعة الآن 04:19 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق