منتديات رهين الشوق - وجودك يكفيني

ياأجمل من هويت و ياأول الدنيا ويا أخرها
وجودك في حياتي عن جميع الناس يكفيني
وياحلو العمر في شوفتك ويديك بيديني
وياشين الليال بظلمت غيابك وأنا أسهرها
كثر ما قلت أنا أحبك وأبيك ولا تخليني
مشاعر صادقه ما قلتها الا بصدري أشعرها
وقفت ببابك وطاحت دموعي وإمتلت عيني
ولا باقي معاي الا دموعٍ كنت ذاخرها
أنا حقي عليك إنك على جروحي تقويني
ومن حقك علي أطوف الزلات وأسترها
وإذا ضقت وتعبت من الأوادم لا تناديني
بتلقى حولك طيوفي عسى ربي يقدرها
علي الله شاهد بـ أن غيرك ما يسليني
وعليك الله مجاديفي بحبك لاتكسرها