منتديات رهين الشوق - غيآآآب أخر .. لـ عايض الظفيري

.

بسم الله الرحمن الرحيم

السلام عليكمـ

مسائكمـ نقآء || صباحكمـ صفآء

قصيدهـ رآقت لـي .. عايض الظفيري

يقول

.

.

ما عـاد ينبت قصيد .. وماتت أعشاب
................................والقـلـب مـا عـاد تاسعـه المحـاني

يغيب هذا الفضـا .. وتسكـر أبواب
...............................والصمـت يتبعني بـ صمـت وأعـاني

من غبـت عني وكل الناس غِـيّـاب
.................................بعـدك ولا فيهـم اللـي ما نسـاني !

بعدك وأنا ما بقى لي حـي مـا غـاب
..................................ولا بقـى حـرف ينطـق به لسـاني

من غبت .. كل البلد بعيوني تـراب
..................................أحجار .. لـو كـان سمّوها مبـاني

من غبت ..والقلب يركض لك ولا شاب
.............................يضوي لك أقمار .. وأحلام .. وأماني

مـن علمك تقفـل الدنيا ورا الباب ؟!
................................ما غيـر طيفـك غرستـه في مكاني

كنّـك تسمّرت واقف بين الأهـداب
..................................طيفـك معي .. لإتجاهاتـك خذاني

دورت لك في خبايا ربـع وأصحـاب
.............................في بحّـة الناي .. في حـزن الأغـاني

في ضحكة أمي .. وفي همسات الأقراب
...............................في كـل حـزن الصحـاري والمواني

طيّرت لك من حمايم روحي .. أسراب
.................................حطّـن .. ولا فيهـن اللي ما بكـاني

لك سيرة الغيم .. والصحرا لك كتاب
..............................لك سحـر يملا الوجـود إحساس ثاني

كل المدايـن لشوفـك ترخي أرقاب
....................................ودرو بهـا كلـها تبكـي عشـاني

يا غايب ارجع جفوني ربع وأحباب
.....................................وال شعـر مـلّ الكتابـة والمعاني

ما عـاد باقي بقلبي نبض ما ذاب
........................................ ..لله در انتـظارك .. والثـواني

لله در الغـلا لـو ينبت أعشـاب

...................................يمديك تعشـب وتزهـر بـ المحاني