|
ألو .. بابا ,,,,,,
الو... بابا
ألو .. بابا هﻼ بنتي , هﻼ يا دنيتي انتي هﻼ يا ضحكة ايامي يا فرحي وصوتي وصمتي عﻼمك ساهره بابا؟ الين الحين ما نمتي؟ وش تقولي!! يزعلونك؟! من اللي زعلك قولي؟ بأجي الحين واطقه .. تبي لعبه؟ بأجيب احلى عروسه لك ، عروسه تشبه عيونك ولكن هاه ، غطيها اذا نامت و وكليها اذا جاعت وش تقولي؟* تطقك ماما لو ضاعت؟ فداك ان ضاعت اللعبه ، وماما وبابا يفدونك ، هﻼ؟ ، وشو؟! اعرف اكتب! خﻼص شوي انا ارجع ، اجيك ونكتب الواجب ، يحاكيها وجنبه صاحبه احمد ، كسر سمعه ، لقى في حكيهم متعه ، نزل دمعه على حاله ، وسج بﻼ وعي باله ، تمنى لو يجي لحظه مكانه ، ويتهيا له ، واحمد له ثمان سنين متزوج ، بدون عيال . . . يموت ، وينعصر قلبه اذا مر بشتات اطفال ، وفجأه رن جواله ، ألو ، احمد بتتأخر؟ ترى حضرت لك أكلك ، متى بألقاك قدامي؟ هﻼ ، ﻻ ﻻ ، ابتأخر ، تعشي انتي ونامي ... عﻼمك؟ ليه متضايق؟ تنحنح احمد وجاوب ، ابد .. جدا انا رايق ، درت ما هو على بعضه ، عﻼمك قول! تخبي عن غﻼ روحك ، تكلم قول وش نوحك؟ انا كلي فدى همومك ، حكى احمد بﻼ رحمه ، خنقتيني ، أبي خلفه ، أبي مولود ، أبي جاهل يشيل اسمي ، يشابه بالشكل رسمي ، ابي أصحى على ازعاجه ، وأرد ارقد على ازعاجه ، ابيه يعطل اشغالي عشان ارتب العابه ، وألبسه مثل ما البس ثيابي تشبه ثيابه ، يروح المدرسه ويرجع يكلمني عن اصحابه ، في بالي لو يجي والله مية رغبه ورغبه ، حكى أحمد ، وصك الخط . .* ولكن حالته صعبه ، بكت نوره بليا صوت ، تمنت لو خذاها الموت ، وﻻ تسمع حكي منه يموتها بﻼ سبه ، أﻻ يا صعب حالتها ولكن ويش حيلتها ، تمنت بيدها حاجه وتبشر بالفرح قلبه ، دقايق بس . . وطق الباب ، درت انه بيراضيها ، ما هو للحين شاريها ، تخبت عن مدامعها ...* وهلت به ، وقف احمد معه ورده ، ودمعاته على خده ، خذاها بحضنه وسالت مدامعها على كمه كتم حزنه ، ولكن دمعها زود معه همه ، وقالت له ، بعد ما لملمت من حزنها بسمه ، تزوج . . عادي ما بزعل ، بأشوفك أب وافرح بك ، لو غيري تكون أمه ، ترى هاليوم هو عيدي ، ترى من كثر ما احبك ، أحسك انك وليدي ، وحط ايده على فمها ، وقاطعها بقولة اششش ، اذا بأفرح بمولودي مع غيرك احسه غش ، قسم بالله يا نوره ، غﻼك يفوق تصويرك ، اذا ما صرت أبو منك ، أنا ما ابيه من غيرك ، انا بك مكتفي اصﻼ ، مليتي دنيتي انتي ، يا بنتي ، وزوجتي ، واختي . . وترى الدنيا كثير اجمل ، وعادي بﻼ طفل تكمل ، وتبين الصدق انا مرتاح ، يجينا طفل ، يكبرنا ، ويزعجنا الى من صاح ، ويمكن يشغلك عني ، ويمكن ياخذك مني ، وانا اصﻼ عليك أغار ، كذا أجمل ، انا من يوم جيتيني وانا صاير لعينك أب ، يا احلى واجمل واوفى ويا اغلى عطايا الرب ، يكفي ، عشتك الماضي ، وبأعيشك عمري اﻵتي ، الين أشوف شيباتك ، والين تشوفي شيباتي ، والى من مت انا قبلك ، وصرتي من بعد موتي أم ، ابيك تصيري أم أحمد ، عشان يذكرك فيني ، ويقولو ما نسيتيني ، وبكت نوره وهي تهمس ، عسى يومي قبل يومك ، اقولك سر يا نوره ، مع ان ما بيننا اسرار ، ولكني أبي اثبت لك بإني حاسبك بنتي ، اذا تدرين . . انا ربعي موصيهم ينادوني .. أبو نوره ، |
رد: ألو .. بابا ,,,,,,
يعطيك العافية على جمال طرحك
سلمت أناملك لروعة اختيارك |
رد: ألو .. بابا ,,,,,,
منور صفحتي .. كافي عذاب
شكرا لمرورك ... |
رد: ألو .. بابا ,,,,,,
❀ ❀
آختيَآرَ جَميلَ جِدآ سَلمتَ علىَ هذهِ الآطَروحهَ الآنيقَهَ وَسَلِمتَ يُمنَآكِ المُخمليِهَ لِ جلبهآ المُتميزَ ❀ ❀ |
رد: ألو .. بابا ,,,,,,
يسلم يدينك على الطرح الراقي
|
| الساعة الآن 01:43 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق