منتديات رهين الشوق - بخاطري كلمة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وشلون ما أحبك ولا عدت مغليك وأنتي الدواء لإنسان دونك يعاني

وشلون رحتي وكل صوتي يناديك يا هيه اسمعيني ترى العمر فاني

ما قلت لك من قبل ماني مخليك يا كيف تنسيني وقلبك نساني

كتبت لك في صدر الأيام أبغيك وكتبتي لي خلاص غيرك خذاني

حتى جدار الصمت لو إلتفت فيك بكيت من صمته وضيق الثواني

عشقت كل لحظات عمرك وماضيك ومعك عرفت إن الأماني أماني

وسويت لك في داخلي شئ يرضيك وإن كان ما يرضيك سويت ثاني

نزعت فرحة خاطري ليتها تكفيك وزرعتها في داخلك ما كفاني

ضحكت لك وأنا من الحزن أسليك وحبست دمعي لجل أقدم حناني

وصديتي وقت الضيق مابيك مابيك تشوفيني أضحك وأنا اللي أعاني

يا الزمن تكفى طلبتك وأرجيك لا تبخل بـوصل الحبيب الأناني

قد قلت لها مقدر أفارق وقد قلت لها هـالبعد ياما كواني

لكن حسافة كل صوتــن يطريك ياما مع نفسي ذكرتك أغاني

بيديك كل اللي حصل إيه بـيديك بديت أحسك شئ خارج زماني

ودامك زرعتي إنسان غيري بأراضيك فأنا ما أحب يكون غيري مكاني

بـتغيبين غيبي ولكن اسمعي محاكيك قبل السفن تنوي بهجر المواني

في خاطري كلمة ويمكن تبكيك أبيك تسمعيها دقايق عشاني

لو الزمن يعطيك ماهو معطيك شخص يحطك بين عوج المحاني