منتديات رهين الشوق - خيانة الغالي

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - خيانة الغالي (http://www.alshoogg.com/vb/showthread.php?t=34526)

خيانة الغالي

لو يقدر الورد يسرق قلب من
شمّه ..
م تقدر الشمس تسرق بارد
ظلالي ~
اخترت درب الظما عن صافي
الجمّه ..
والفت صبري عليه وَ طال
ترحالي ~
ماكل من يسري بيسري على
همّه ..
يا ما سريت الظلام وخاطري
سالي ~
والبارحه النفس مخنوقه
ومنغمّه ..
و سرّاني الحزن للي مر
في بالي ~
اشوف صورته بالجوال
واضمّه ..
وَ اودعه وَ امسح اللي له
بجوالي ~
سمّ الجفا مرجله ولا ردا
سمّه ..
انا عزمت وجزمت وشفته
اشوا لي ~
اليا متى وَ المشاعر فيه
مهتمّه ..
سويت كل شي لكن ويش
سوّا لي !
ما عاد اعرف اتكلم مع
بني عمّه ~
لا سولفوا كن صورة وجهه
قبالي ..
اصدّ والناس حول الناس
ملتمّه ~
وَ اتشطّر بعيد عنهم واجلس
لحالي ..
كنّي يتيم فقد من ليلتين
امّه ~
ولا كريم استحى من جيبه
الخالي ..
اغص في عبرتي واضيّع
اليمّه ~
و اسج رجلي من الضيقه
على فالي ..
ما للخيانه عذر في ذمتي
ذمّه ~
العذر ما ينقبل في خيانة
الغالي ..
من اول اشوف السّامي على
القمّه ~
و الجاي من عمري و مستقبل
آمالي ..
و الحين ما عاد يفرق مدحه
و ذمّه ~
مثل ابتسامة رضى في وجيه
عذالي ..
يهمّني الحب ب الحب ما
همّه ~
ياليت ماني كذا وخصالي
اخصالي ..
ابعدت شرهة دموعي عن
طرف كمّه ~
وعلقتها في طرف جفني
من هبالي ..
اواسي الجرح و اداريه
والمّه ~
و اقول ل الدمع لاتبكي
على حالي ..
لو يستحي حزني البارح
على دمّه ~
ما كان جابه على غفله
على بالي ..

رد: خيانة الغالي

اقتباس:

اشوف صورته بالجوال
واضمّه ..
وَ اودعه وَ امسح اللي له
بجوالي ~

تسلم يمينك على الطرح
وصح لسان الشاعر المبدع - محمد جار الله السهلي

رد: خيانة الغالي

الله ع جمال انتقاءك
طرح راقي ومميز
سلمت الانامل

رد: خيانة الغالي

جميل ...
راقت لي
تسلم يمينك كيان الحزن

رد: خيانة الغالي

منورين حبايبي ..

رد: خيانة الغالي

حدائق من ورود الأمتنان
و جنائن أزهار من الأمنيات
أنثرها أمام دربكِ لـ علها تسعدكِ كما أسعدتنا
بـ هذا الطرح الاكثر من رائع
لكِ جوري النسيم يحفكِ بـ كل شئ جميل
ورود تقديري و جلَ حروف احترآمي

رد: خيانة الغالي

مشكوووووور والله يعطيك الف عافيه

رد: خيانة الغالي

مشكوووووور والله يعطيك الف عافيه

رد: خيانة الغالي

سلمت يمينك اخوي كيان
لاخلا ولاعدم

رد: خيانة الغالي

عوفيت ننتظر جديدك

رد: خيانة الغالي

نقل جميل وعبارات اجمل
سلمت كيان